Zyrtare: Shitet Chelsea, marrëveshja rekord në histori të futbollit

Chelsea ka konfirmuar se më në fund ka gjetur pronar të ri, pas mbretërimit 20-vjeçar të Roman Abramovich.

Manjati rus u sanksionua me të filluar agresioni i Rusisë mbi Ukrainën, shkaku që Mbretëria e Bashkuar e shikon atë si person të afërt me Vladimir Putinin.

Kështu, pas më shumë se dy muaj, Chelsea ka pronar të ri dhe në krye të tyre do të jetë miliarderi amerikan, Todd Boehly, së bashku me Clearlake Capital, Mark Walter dhe Hansjoerg Wyys.

Can confirm that Todd Boehly is at the bridge….can also confirm that he is an absolute gent! #Chelsea #ChelseaFC #ToddBoehly #CFC pic.twitter.com/JrheRuzXJm

— Darren Lavery (@Darren_Lav89) May 6, 2022

“Klubi i Futbollit Chelsea mund të konfirmojë se kushtet janë rënë dakord për një grup të ri pronësie, të udhëhequr nga Todd Boehly, Clearlake Capital, Mark Ëalter dhe Hansjoerg Ëyss, për të blerë klubin”, thuhet fillimisht në njoftimin e tyre.

“Nga investimi total që do të bëhet, 2.5 miliardë funte do të aplikohen për blerjen e aksioneve në Klub dhe të ardhurat e tilla do të depozitohen në një llogari bankare të ngrirë në Mbretërinë e Bashkuar me synimin për të dhuruar 100 për qind për qëllime bamirësie, siç konfirmohet nga Roman Abramovich. Do të kërkohet miratimi i Qeverisë së Mbretërisë së Bashkuar që të ardhurat të transferohen nga llogaria bankare e ngrirë e MB”.

Lexo po ashtu Të gjitha lajmet nga Chelsea

“Përveç kësaj, pronarët e rinj të propozuar do të deponojnë 1.75 miliardë funte në investime të mëtejshme për të mirën e Klubit. Kjo përfshin investime në Stamford Bridge, Akademi, Ekipin e Grave dhe Kingsmeadoë dhe financimin e vazhdueshëm për Fondacionin Chelsea”.

“Shitja pritet të përfundojë në fund të majit, duke iu nënshtruar të gjitha miratimeve të nevojshme rregullatore. Më shumë detaje do të jepen në atë kohë”, thuhet më tej në komunikatë. /Telegrafi/

Club Statement.

— Chelsea FC (@ChelseaFC) May 7, 2022