Zyrtare: Ranieri kthehet në Ligën Premier, emërohet trajner i Fulham

Shahid Khan, kryetar i Fulham, njoftoi se ka emëruar Claudio Ranieri si menaxher të klubit, duke e zëvendësuar Slavica Jokanoviqin.

Ranieri e ka udhëhequr Leicester Cityn në Ligën Premier në vitin 2016 drejti titullit kampion.

Ai ka nënshkruar një kontratë shumëvjeçare për të udhëhequr Fulhamin, i cili aktualisht është në fund të tabelës me pesë pikë nga 12 ndeshje.

Ndeshjën e ardhshme Fulham e zhvillon me të shtunën me 24 nëntor ndaj Southampton në ‘Craven Cottage’.

“Është një nder të pranoj ftesën dhe mundësinë e z. Khan për të udhëhequr Fulhamin, një klub fantastik me traditë dhe histori”, tha Ranieri.

“Objektivi në Fulham nuk duhet të jetë thjesht të mbijetojë në Ligë Premier. Ne duhet në çdo kohë të jemi një kundërshtar i vështirë dhe duhet të presim që të kemi sukses”.

“Ky Fulham ka talent të jashtëzakonshëm dhe janë në kundërshtim me pozicionin në tabelë. E di që kjo skuadër është shumë e aftë për shfaqje më të mira”.

Fulham këtë edicion është kthyer në Ligën Premier. /Telegrafi/