Zyrtare: Nainggolan largohet nga Interi

Radja Nainggolan ka rënë dakord zyrtarisht të përfundojë kontratën e tij me Interin me pëlqimin të dyanshëm, duke e lejuar belgun të bashkohet me Cagliari si lojtar i lirë.

Negociatat mes klubeve janë zvarritur për muaj, por pa marrëveshje, pasi belgu gjithashtu kishte marrë një ofertë nga Besiktas.

Sidoqoftë, gruaja e tij është nga Sardenja dhe ai tashmë kishte luajtur disa vite në Cagliari, kështu që nuk e fshehu dëshirën e tij për ta bërë një transferim të përhershëm në këtë klub.

Çështja u zgjidh përfundimisht sot me Nainggolan që përfundoi kontratën e tij me Interin me pëlqimin e ndërsjellë.

“FC Internazionale Milano mund të konfirmojë se kontrata e Radja Nainggolan me klubin është përfunduar me pëlqim të ndërsjellë”, thuhet në komunikatën e klubit.

Kontrata duhej të skadonte në fund të sezonit dhe, sipas Sky Sport Italia, palët ranë dakord që reprezentuesi belg të marr 50 për qind të pagës së mbetur.

📃 | STATEMENT

FC Internazionale Milano can confirm that Radja Nainggolan’s contract with the club has been terminated by mutual consent.https://t.co/l6bRvlXNwW

— Inter ⭐⭐ (@Inter_en) August 10, 2021

Nainggolan iu bashkua Interit nga Roma në vitin 2018 për 38 milionë euro plus Nicolò Zaniolon.

33-vjeçari bëri vetëm 41 paraqitje për Nerazzurrët, duke shënuar shtatë gola dhe duke dhënë tre asistime. /Telegrafi/