Zyrtare: Liam Rosenior, trajner i ri i Chelseat
Klubi anglez, Chelsea ka njoftuar se Liam Rosenior do të jetë trajneri i ri i ekipit të parë.
Blutë e Londrës larguan nga detyra trajnerin italian, Enzo Maresca, në ditën e parë të vitit 2026, por nuk vonuan shumë dhe kanë njoftuar pasuesin e tij.
Bëhet fjalë për Rosenior, me të cilin kanë nënshkruar një kontratë të vlefshme deri në verën e vitit 2032.
Chelsea Football Club is delighted to announce the appointment of Liam Rosenior as head coach of the men’s team.
Welcome to Chelsea, Liam! 🔵
— Chelsea FC (@ChelseaFC) January 6, 2026
“Klubi i Futbollit Chelsea ka kënaqësinë të njoftojë emërimin e Liam Rosenior si trajner kryesor i ekipit të meshkujve”.
“Anglezi ka nënshkruar një kontratë me klubin që do ta mbajë atë deri në vitin 2032”, thuhet në njoftimin e klubit.
Rosenior mbërrin në Stamford Bridge pasi ka qenë trajner jashtë shtetit me RC Strasbourg , ku e udhëhoqi klubin francez drejt kualifikimit në Evropë për herë të parë pas 19 vitesh në sezonin e tij të parë, dhe pas roleve të mëparshme në Angli me Hull City dhe Derby County. /Telegrafi/
