Aventura e Besnik Krasniqit te Ballkani ka përfunduar pas dy vitesh.
Informacionin e ka konfirmuar vetë futbollisti, i cili përmes një publikimi në llogarinë e tij ka njoftuar se është ndarë nga “Xhebrailat”.
“Prej sot nuk jam më pjesë e Ballkanit! Kemi rënë dakord që të ndërprejmë bashkëpunimin, për arsye personale”.
“Klubit ku kalova dy vite të mrekullueshme, i dëshiroj suksese të mëtutjeshme".
"E falënderoj përzemersisht presidentin Arsim Kabashi, trajnerin Ismet Munishi, dhe gjithë kryesinë dhe shtabin teknik. Si dhe tifozët e mrekullueshëm Xhebsat! Me respekt; Besnik Krasniqi”, ka shkruar anësori kryeqytetas.
Kontrata e Krasniqit me Ballkanin skadonte në fund të këtij viti, por në mënyrë të dyanshme është ndërprerë para kohës.
Krasniqi ishte njëri nga futbollistët titullar të Ballkanit në dy edicionet e fundit. /Telegrafi/
