Zyrtare: Albion Rrahmani transferohet te Rapidi i Bukureshtit

Albion Rrahmani ka bërë hapin e madh në karrierë, duke u larguar nga Ballkani dhe futbolli kosovar.

Sulmuesi i talentuar llapjan karrierën do ta vazhdoj në Rumani te skuadra e madhe rumune Rapid Bukuresht.

22-vjeçari tanimë zyrtarisht është prezantuar si pjesë e Rapidit, por klubi rumun nuk ka dhënë për shumën e transferimit edhe pse besohet se është rreth 600 mijë euro.

Gjithsesi sulmuesi i Përfaqësueses së Kosovës ka nënshkruar një kontratë që e lidh atë me Rapidin deri në qershor të vitit 2026.

Ish-sulmuesi i Malishevës dhe Ballkanit është shprehur shumë i lumtur me hapin e bërë në karrierën e tij, teksa ka thënë se mezi pres të filloj këtë aventurë.

“Po ndihem shumë mirë. Jam shumë i emocionuar që jam këtu. Unë dua t’ua dëshmoj vlerën time tifozëve dhe klubit sa më shpejt të jetë e mundur”.

Lexo po ashtu Zyrtare: Ballkani i jep lamtumirën Albion Rrahmanit

“Mezi pres të debutoj dhe të marr disa ndeshje. Zgjodha Rapidin për shkak të projektit që synohet të zbatohet këtu”.

“Është një projekt shumë i mirë dhe e ndjeva se ishte më e mira të isha këtu”, ka thënë Rrahmani për faqen zyrtare të klubit rumun. /Telegrafi/