‘Zurich Shqip Up Comedy’ publikon videon me momentet më të mira nga festivali në Zvicër

Festivali i humorit “Zurich Shqip Up Comedy” ka publikuar së fundmi një after-movie në rrjetet sociale, që pasqyron atmosferën dhe momentet më të paharrueshme të spektaklit.

Kjo video përmbledhje sjell pamje nga energjia e gjallë e audiencës, reagimet e të pranishmëve, si dhe disa prej momenteve më argëtuese të performuesve shqiptarë të humorit.

Festivali dy-ditor, i cili u mbajt më 18 dhe 19 tetor në “Stadthalle Dietikon”, mblodhi artistë të njohur të komedisë dhe adhurues të shumtë nga diaspora shqiptare në Zvicër.

Spektakli u karakterizua nga të qeshurat e pafundme dhe atmosfera pozitive që mbizotëroi gjatë dy netëve të mbushura me humor të larmishëm dhe batuta të mprehta, duke krijuar një përvojë të veçantë për të gjithë të pranishmit.

View this post on Instagram

A post shared by Ridvan Murati (@murati_ridvan)

Publikimi i after-movie-t në rrjetet sociale u mirëprit nga fansat, të cilët kanë shprehur entuziazmin e tyre në komente dhe pëlqime, duke e vlerësuar eventin si një ndër ngjarjet më të arrira dhe më të bukura për komunitetin shqiptar në Zvicër.

Ky festival shërbeu jo vetëm si një mundësi për të shijuar humorin e pastër shqiptar, por edhe si një moment bashkimi dhe rikthimi të ndjenjës së përkatësisë për të gjithë ata që jetojnë larg vendit. /Telegrafi/