Zonja e madhe gati për finalen e Cardiffit (Video)

Juventusi ka arritur që të reailzojë fitore shumë të rëndësishme në gjysmëfinalen kthyese ndaj Monacos me rezultat 2-1, duke arritur që të sigurojë finalen me rezultat të përgjithshëm 4-1 pas dy ndeshjeve.

Në një atmosferë impozante në Torino, rreth 40 mijë tifozë të Juventusit përkrahën ekipin e tyre drejt një tjetër fitore spektakolare.

Trajnerët vendosën për formacionet më ofensive, kurse Allegri ktheu startuesit që pushoi ndaj Torinos.

Tendenca e Monacos për të sulmuar u dënua pas 33 minutash lojë kur Mario Mandzukic shënoi nga afërsia për 1-0.

Në fund të pjesës së parë ishte Dani Alves ai që realizio një supergol me një bombë pas një topi të kthyer (44’).

Në pjesën e dytë Monaco u përpoq dhe arriti që të shënonte në minutën e 69-të me anë të Mbappes, por ky gol ishte vetëm sa për statistika.

Juventusi me këtë fitore me rezultat të përgjithshëm prej 4-1 pas dy ndeshjeve me sukses arrin të kualifikohet në finalen e Ligës së Kampionëve për herë të dytë brenda tri vitesh.

Në finale, Zonja e Vjetër e pret fituesin e takimit Atletico Madrid – Real Madrid që zhvillohet të mërkurën mbrëma e ku Reali ka avantazh prej 3-0 nga ndeshja e parë. /Telegrafi/