Zjarri përfshinë një perimetër prej afro 60 kilometra në Australi, banorëve iu kërkohet të largohen sepse nuk mund të bëhet asgjë për ta shuar

Një perimetër prej afro 60 kilometrash është përfshirë nga zjarri në Australi, që po përhapet me shpejtësi të madhe, nga moti i nxehtë dhe era që po frynë.

Pamjet që janë marrë me dron mbi Queesnland, shfaqin atë që duket sikur një tornado e zjarrtë, që zgjerohet me shpejtësi nëpër tokën e thatë, transmeton Telegrafi.

Autoritetet e sigurisë iu kanë kërkuar banorëve të largohen, sepse nuk mund të bëhet asgjë për të shuar flakët, që janë të mëdha dhe të përhapura kudo.

Më se 3,000 zjarrfikës, të ndihmuar edhe nga njësitet zjarrfikëse nga Kanadaja dhe Shtetet e Bashkuara, janë duke u përpjekur të shuajnë, rreth 100 vatra zjarri në zona të ndryshme.

“Gjendja e emergjencës ishte në rrezikun më të lartë, derisa tani është në shkallën që duket të shikojmë dhe të kujdesemi që të mos zgjerohet. Derisa nuk po mund të shuajmë flakët gjigante”, thuhet në raportin e zjarrfikësve.

Që nga shtatori, kur filloi përhapja e zjarrit, janë djegur rreth 200 mijë hektarë dhe u shkatërruan 50 shtëpi. /Telegrafi/