Zjarri kaplon një ndërtesë, vajzat detyrohen të kërcejnë nga ballkoni për t’i shpëtuar më të keqes (Video)

Pamjet amatore të filmuara me telefon të mençur, shfaqin një grup vajzash që kërcejnë nga ballkoni i studios së vallëzimit në New Jersey pasi e tërë ndërtesa ishte përfshirë nga flaka.

Autoritet lokale kanë njoftuar, se zjarri kishte shpërthyer rreth orës 7 pasdite në katin e parë të ndërtesës në rrugën Old River, transmeton Telegrafi.

Ato ishin aq shumë të frikësuara sa që në një moment vendosin të kërcejnë nga ballkoni, edhe pse qytetarët tjerë mundoheshin t’i ndihmojnë duka ua montuar shkallët.

Në pamjet e publikuara më poshtë shihen disa vajza të vogla duke u munduar të zbresin nga ballkoni përmes disa shkallëve që ua kishin vendosur fqinjët, derisa prapa kokës së tyre shihej zjarri.

Dhe në një moment ato e kuptojnë se nuk kanë kohë të zbresin shkallëve, dhe kështu vendosin të kërcejnë, por për fat të mirë ishin në katin e parë dhe nuk përbënte ndonjë rrezik të madh. /Telegrafi/