Zjarr dhe shpërthime në një port në Itali – mbyllen shkollat dhe parqet përreth, banorëve iu kërkua mbajtja mbyllur e dritareve

Një flakë e madhe shpërtheu gjatë natës në portin e Ankonës në Itali.

Sipas mediave vendase, përcjell Telegrafi, zjarrfikësit kanë vënë nën kontroll zjarrin, por ata presin që të vazhdojnë të punojnë gjatë gjithë së mërkurës edhe për ta shuar atë plotësisht.

? #Ancona, vasto #incendio divampato alle 00:30 nella zona del porto, interessati diversi capannoni di cantieristica navale. Al lavoro 16 squadre #vigilidelfuoco provenienti anche dai comandi delle Marche. Impiegati per l’estinzione mezzi aeroportuali #16settembre 6:30 pic.twitter.com/qRcatjCCE0

— Vigili del Fuoco (@emergenzavvf) September 16, 2020

Siç bëhet e ditur, nuk ka raportime për vdekje ose lëndime nga zjarri që shkaktoi disa shpërthime dhe një kolonë të gjatë tymi.

? #Ancona, circoscritte dai #vigilidelfuoco le fiamme nel porto, interessati diversi capannoni per una superficie di circa 20.000 mq. Lunghe le operazioni di completo spegnimento per la difficoltà di raggiungere il cuore dell’#incendio [#16settembre 9:00] pic.twitter.com/aBtEodYduZ

— Vigili del Fuoco (@emergenzavvf) September 16, 2020

Zyrtarët po përpiqen të përcaktojnë kauzën ndërkohë që Këshilli ka vendosur të mbyllë shkollat, universitetet, parqet dhe mjediset e sporteve përreth.

Banorët lokalë gjithashtu janë këshilluar të mbajnë dritaret e tyre të mbyllura dhe të shmangin çdo udhëtim të panevojshëm. /Telegrafi/