Zhduken llogaritë në Facebook dhe Instagram të Adelina Ismailit

Këngëtarja e njohur Adelina Ismaili është shumë e pëlqyer për muzikën e saj.

Ajo këtë vit u rikthye në Kosovë së bashku me familjen e saj për të jetuar, teksa nuk mungoi edhe angazhimi i saj në muzikë.

Në pranverë, ajo solli një projekt të ri muzikor, teksa gjatë verës ishte shumë e angazhuar me koncerte të shumta.

Adelina ka qenë mjaft aktive dhe e ndjekur edhe në rrjetet sociale, në të cilat ndante çdo ditë me fansat fotografi dhe video të ndryshme nga jeta e saj e përditshme.

Lexo po ashtu Adelina Ismaili nuk po mund të pajtohet me gjendjen e varfërisë ekstreme në Kosovë

Mirëpo çuditërisht, kjo çasje të cilën këngëtarja e kishte krijuar me fansat përmes Facebook dhe Instagram, tani nuk ekziston më!

Për arsye të pazbuluar, llogaritë e këngëtares duket të jenë fshirë nga këto dy rrjete sociale.

Mund të ketë qenë vet vendimi i Adelinës për të jetuar në qetësi dhe larg tyre, ose ndonjë sulm i mundshëm kibernetik, që ka bërë që ajo të mos figurojë më as në Facebook, e as në Instagram.

Në të dyja këto rrjete sociale, Ismaili ka qenë e ndjekur nga mijëra fansa. /Telegrafi/