Zëvendës shefi i Shtatmadhorisë së ARM, gjeneral majori Muhamet Racaj në takimin e Sarajevës

Zëvendës shefi i Shtatmadhorisë së ARM, gjeneral majori Muhamet Racaj merr pjesë në takimin e sivjetmë të zëvendësve të shefave të Shtatmadhorie në suaza të procesit të bashkëpunimit mes ministrave të Mbrojtjes të Evropës Juglindore (SEDM) në Sarajevë, BeH, ka njoftuar sot SHM e ARM, transmeton Telegrafi Maqedoni.

Thelbi i procesit SEDM është përforcim i mirëkuptimit dhe bashkëpunimi politik ushtarak në rajon me qëllim të përmirësimit të stabilitetit dhe sigurisë në Evropën Juglindore.

Zëvendësshefat e SEDM – vendeve dhe përfaqësuesit nga organizatat ndërkombëtare për takimin treditorë i cili filloi dje, kanë diskutuar për çështje nga interesi i ndërsjellë, i kanë dënuar të gjitha sulmet terroriste të cilat pak më parë kanë ndodhur në pjesë të ndryshme të botës, duke e theksuar nevojën për pjesëmarrje të organizuar  dhe të bashkuar në luf6tën kundër formave globale të terrorizimit dhe ekstremizmit, të cilat paraqesin kërcënime të përbashkëta të paqes ndërkombëtare dhe sigurisë. Pjesëmarrësit në takim i kanë përshëndetur edhe përpjekjet dhe kontributin e vendeve të cilat janë të përfshira gjatë ballafaqimit me krizën masive migruese.

Në takim, siç theksoi SHM-ja e ARM-së, janë këmbyer informacione për rezultatet e arritura, me theks të posaçëm në aktivitetet në Brigadën e Evropës Juglindore (SEEBRIG) e cila u dëshmua si mekanizëm efikas dhe platformë për bashkëpunim mes vendeve pjesëmarrëse, duke kontribuar aktivisht gjatë tërë këtyre viteve për siguri, bashkëpunim në suaza të procesit SEDM posaçërisht lidhur me kyçjen e SEEBRIG në aktivitete të ndryshme, trajnime dhe operacione.

ZSHSHM i ARM-së në fjalimin e tij ka theksuar se Republika e Maqedonisë si anëtare e procesit SEDM është përfshirë në shumë iniciativa rajonale me çka e konfirmon përkushtimin e saj në ndërtimin e bashkëpunimit të fuqishëm rajonal duke e dhënë kontributin tonë drejtë stabilitetit të vazhdueshëm në rajon dhe integrimin e tërësishëm të tij në strukturat euroatlantike.

Gjenerali Racaj, ka theksuar se të gjitha vendet nga rajoni në Evropën Juglindore ballafaqohen me sfida të ngjashme sigurie dhe të njëjtat duhet të trajtohen përmes aktiviteteve  të përbashkëta dhe efektive. Në këtë drejtim zhvillimi i SEDEM-it,  Kontrollit strategjik do të na ndihmoj t’i identifikojmë drejtimet për mënyrë më efikase  të punës në procesin dhe këtë mënyrë përkatëse të përgjigjem në ndërlikimin nga sfidat bashkëkohore të sigurisë. Gjithashtu, ka theksuar se Armata e Republikës së Maqedonisë mbetet konsekuente në qëndrimet e saj lidhur me pjesëmarrjen e SEEBRIG, si kapacitet i fuqishëm rajonal në suaza të këtij procesi në këtë proces, si dhe pjesëmarrje në operacionet paqësore të udhëhequra nga NATO, BE apo OKB.

Në suaza të takimit gjenerali Racaj ka realizuar takime bilaterale me ZSHSHM nga Mali i Zi dhe Bosnja e Hercegovina, ndërsa në margjina të takimit janë këmbyer pikëpamjet dhe përvoja dhe me pjesëmarrësit tjerë në konferencë./Telegrafi/