Presidenti i Ukrainës, Volodymyr Zelensky tha se nuk po bën më presion për anëtarësimin në NATO, një çështje delikate që ishte një nga arsyet e deklaruara të Rusisë për pushtimin e fqinjit të saj properëndimor.
Në një lëvizje tjetër të dukshme që synon qetësimin e Moskës, Zelensky tha se është i hapur për “kompromis” për statusin e dy territoreve pro-ruse të shkëputura që presidenti rus, Vladimir Putin i njohu si të pavarura pak para se të niste agresionin më 24 shkurt.
“Jam qetësuar në lidhje me këtë pyetje shumë kohë më parë, pasi kemi kuptuar se… NATO nuk është e përgatitur të pranojë Ukrainën”, tha Zelensky në një intervistë të transmetuar të hënën mbrëma në ABC News.
“Aleanca ka frikë nga gjërat e diskutueshme dhe nga konfrontimi me Rusinë”, shtoi presidenti, transmeton Telegrafi.
Duke iu referuar anëtarësimit në NATO, Zelensky tha se nuk dëshiron të jetë president i një “vendi që po lyp duke u ulur në gjunjë”.
Rusia ka thënë se nuk dëshiron që Ukraina fqinje të anëtarësohet në NATO, aleanca transatlantike e krijuar në fillim të Luftës së Ftohtë për të mbrojtur Evropën nga Bashkimi Sovjetik.
Në vitet e fundit, aleanca është zgjeruar gjithnjë e më shumë në lindje për të marrë vendet e ish-bllokut sovjetik, duke zemëruar Kremlinin, citon france24.
Pak para se të trondiste botën duke urdhëruar pushtimin e Ukrainës, Putin njohu si të pavarura dy “republika” separatiste pro-ruse në Ukrainën lindore – Donetsk dhe Lugansk – që kanë qenë në luftë me Kievin që nga viti 2014.
Putini tani dëshiron që edhe Ukraina t’i njohë ato si sovrane dhe të pavarura. Kur ABC e pyeti për këtë kërkesë ruse, Zelensky tha se ishte i hapur për dialog.
Ai tha se këto dy rajone “nuk janë njohur nga askush përveç Rusisë, këtyre pseudo republikave. Por ne mund të diskutojmë dhe të gjejmë kompromisin se si do të mbijetojnë këto territore”.
“Ajo që është e rëndësishme për mua është se si do të jetojnë njerëzit në ato territore që duan të jenë pjesë e Ukrainës, të cilët në Ukrainë do të thonë se duan t’i kenë ata”, tha Zelensky.
“Pra, pyetja është më e vështirë sesa thjesht t’i pranosh ato”, tha presidenti.
“Ky është një ultimatum tjetër dhe ne nuk jemi të përgatitur për ultimatume. Ajo që duhet bërë është që presidenti Putin të fillojë të flasë, të fillojë dialogun në vend që të jetojë në flluskën e informacionit pa oksigjen”, tha ai. /Telegrafi/
Promo
Reklamo këtuLufta Prigozhin - Putin
Më shumëUkraina po ndërton centralin më të madh bërthamor në Evropë
Finlanda do të zgjidhë një nga sfidat më të mëdha të njerëzimit
Dorëhiqen tre ministra ukrainas
SHBA afër arritjes së marrëveshjes për raketat me rreze të gjatë veprimi për Ukrainën, ky veprim do ta ndryshonte rrjedhën e luftës
Parashutistët ukrainas ndalin sulmin rus në Donetsk, ushtarët e Putinit fillojnë të tërhiqen kur mësojnë se janë shënjestër e artilerisë
Rusia thotë se “do të ndryshojë doktrinën bërthamore për shkak të rolit të Perëndimit në Ukrainë”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Publikohen pamjet e reja të Titanikut - anija e famshme po kalbet në fund të oqeanit
Historiku i përleshjeve Capat-Sekiraqa, që përfundoi me viktima
Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike
Real Madridi kishte vetëm dy objektiva të tjerë në verë - kishte arsye të forta pse u tërhoq
Çfarë tregojnë historitë e zëvendëspresidentëve për shanset e Kamala Harrisit?
Finlanda do të zgjidhë një nga sfidat më të mëdha të njerëzimit