Zbardhen detaje të reja rreth lirimit të futbollistit meksikan

Sulmuesi i Olympiakos, Alan Pulido ishte viktima e fundit e rrëmbyesve në Amerikën e Jugut, por ndryshe nga disa situata të tjera ai vetë ishte kujdesur për një fund të lumtur.

Ndoshta iu kujtohet kur nëna e Robinhos ishte rrëmbyer në verën para se ai të transferohej në Real Madrid dhe për ta evituar një epilog tragjik është dashur ndërhyrja e presidentit të klubit mbretëror Florentino Peres .

Pulido është bërë njëri nga ata njerëz të shtunën në mbrëmje në Siudad Voktoria, kur me të dashurën kthehej nga klubi i natës.

Rrëmbyesit ia zunë rrugën nën kërcënim të revoles duke e detyruar që të hyjë në veturën e tyre.

Ditë më vonë arritën informata se Alan është gjallë edhe pse në disa fotografi mund të shihej se njëra dorë është e mbështjellë me fashë, por para së gjithash është forma më spektakulare që ia ka arritur që të lirohet.

Menjëherë pasi që është rrëmbyer me një thes të zi në kokë është dërguar në një shtëpi në qytetin Tamaulipas derisa njëkohësisht ka pritur thirrje për kërkesën për para në këmbim të lirisë së tij.

Por 25 vjeçari, reprezentues i Meksikës nuk ka dashur ta lëshojë situatën, shfrytëzoi momentin kur ka mbetur vetëm me njërin nga rrëmbyesit dhe ka ikur.