Raportime tronditëse kanë dalë në dritë që akuzojnë mbrojtësin e Paris Saint-Germain, Lucas Hernandez, dhe gruan e tij, Victoria Triay, për trafikim qeniesh njerëzore dhe punë të padeklaruar.
Një familje kolumbiane, e përbërë nga një baba, gruaja e tij dhe tre fëmijët e tyre, punuan për çiftin midis shtatorit 2024 dhe nëntorit 2025 pa status ligjor.
Ata mbërritën plot shpresë, të frymëzuar nga disa premtime: një jetë më e mirë dhe mundësia për të ndihmuar familjet e tyre në shtëpi. Por, gjithçka ndryshoi shpejt.
Sipas informacioneve nga Paris Match, Lucas Hernandez, mbrojtësi i Paris Saint-Germain dhe fituesi i Kupës së Botës në Francë në vitin 2018, është subjekt i një ankese për punë të padeklaruar dhe trafikim qeniesh njerëzore, të paraqitur së fundmi në zyrën e prokurorit të Versajës.
Paditësit janë anëtarë të një familjeje kolumbiane të cilët, për më shumë se një vit, kanë mbajtur punë të ndryshme me lojtarin dhe gruan e tij, Victoria Triay.
Ata punuan si roje, roje sigurie, pastruese shtëpie, kuzhinierë dhe dado, duke bërë që kjo familje të ngrit akuza kundër çiftit për punësimin e tyre për orë tepër të gjata pune. /Telegrafi/
