YIHR me aksion simbolik para VV: Me homofoba nuk ka shtet

Nisma për të Drejtat e Njeriut (YIHR) ka mbajtur sot një aksion simbolik para zyrave të Lëvizjes Vetëvendosje, pas deklaratave të disa anëtarëve të kësaj partive, që sipas kësaj nisme janë homofobe.

YIHR në aksionin para kësaj partie mbanin pankarta “Me homofoba nuk ka shtet”, “As të majtë, as në të djathë-të tepërt”.

“Ky aksion u mbajt me qëllim të kërkimit të llogaridhënies nga strukturat e VV-së në lidhje me deklaratat homofobe të përfaqësuesve të saj, të bëra së fundmi në rrjetin social Facebook, me konkretisht ndaj deklaratës të z. Eman Rrahmani dhe Leonora Shabani-Bajraktari. Deklarimet homofobe nga përfaqësuesit publik nuk po ndalen dhe ne si aktivist kemi përgjegjësi të reagojmë duke ngritur zërin kundër deklaratave të tilla që të mos përsëriten më! Liria e shprehjes është një e drejtë e garantuar me ligj. Por a kemi menduar ndonjëherë se ku fillon dhe ku mbaron liria e shprehjes? A mund të komprometohet mirëqenia e një komuniteti të caktuar nën ombrellën e “lirisë së shprehjes”? Liria e shprehjes së njërit mbaron kur cenon lirinë e shprehjes së tjetrit”, thuhet në njoftim,

Në aksion morën pjesë aktivistë nga YIHR KS, Cel Kosovo, Csgd Kosovo dhe Qendra Kosovare për Studime Gjinore. /Telegrafi/