Xhinset e gjera të Jennifer Lopez duken si tuta tepër të lezetshme

Jennifer Lopez ecte me këto xhinse komode teksa bënte pazar në Paris dhe tani të gjithë kemi nevojë për to

Ylli latin u pa duke drekuar në Paris me menaxherin e saj Benny Medina dhe me anëtarë të tjerë të ekipit të saj para disa ditësh. Dhe veshja e saj është ajo që tërhoqi vëmendjen e të gjithëve.

Teksa doli nga restoranti, Lopez kishte veshur një pulovër ngjyrë bezhë të lehtë, një shall të madh dhe një nga stilet e saj të preferuara të xhinseve: xhinse të gjera nga materiali i hollë teksas, transmeton Telegrafi.

Xhinset e rehatshme dhe të këndshme me këmbë të gjera janë ato që mund t’i keni kur dëshironi rehati të ngjashme me tuta, por patjetër që mund t’i kombinoni ato për një dukje elegante.

Gjithashtu, ky model i jep shumë hapësirë për të marrë frymë, gjë që i bën ato ideale për stinën. Nëse po kërkoni një mënyrë të thjeshtë për të qëndruar rehat këtë vjeshtë pa veshur dollakë apo në të vërtetë një tuta, xhinset e gjera janë pikërisht ajo që ju nevojitet.

Dhe ajo që është më e mira nga të gjitha, ato mund të gjenden në dyqane tashmë me një çmim të arsyeshëm.

/Telegrafi/