Xhensila Myrtezaj paralajmëron edhe tri këngë të reja për verën e këtij viti

Këngëtarja e njohur shqiptare, Xhensila Myrtezaj po vazhdon të jetë aktive me projekte muzikore.

Pak ditë pasi këngëtarja nga Shqipëria lansoi këngën e re “Ale ale”, ajo tashmë ka njoftuar se është drejt finalizimit edhe të tri projekteve të reja.

Përmes disa imazheve që postoi në llogarinë e saj në Instagram ku numëron mbi 1.7 milion ndjekës, Xhensila tha se ndihej e emocionuar për këngët e reja.

“Vera po vjen dhe bashkë me të po vijnë edhe tri projekte të tjera. Jam kaq shumë e emocionuar”, ka shkruar Xhensila në mbishkrimin e imazheve.

Ndërkohë, të shumta ishin edhe komente nga ana e fansave të saj të cilët padyshim mezi presin këngët e reja nga ajo.

Në anën tjetër, dje (e hënë) Xhensila publikoi një pjesë të shkurtër të bashkëpunimit me këngëtarin, Elgit Doda.

Lexo po ashtu Xhensila Myrtezaj dhe Elgit Doda paralajmërojnë bashkëpunimin

Dyshja njoftuan se kënga e re e përbashkët mban titullin “A e din” duke mos dhënë më shumë detaje.

Ndërkaq, nëna e një vajze mbetet e angazhuar edhe me koncerte dhe mbrëmje muzikore. /Telegrafi/

View this post on Instagram

A post shared by Xhensila Myrtezaj (@xhensilamyrtezaj)