Xeni flet pas vdekjes së daullistit Behar Morina: Shpejt na le o Behar, më vrave në shpirt

Mbrëmë (e shtunë) zëdhënësi i Policisë së Kosovës për Rajonin e Gjakovës, Nysret Gjurkaj, ka konfirmuar gjetjen e një trupi të pajetë në një fshat të Gjakovës.

“Rreth orës 20:30 minuta policia në Gjakovë ka pranuar një informim se në fshatin Moglicë, KK- e Gjakovë ne një shtëpi te pa banuar është një person i varur në litar. Patrulla policore se bashku më shërbimin mjekësor i janë përgjigjur vendit te ngjarjes, dhe mjeku kujdestar ka konfirmuar – i vdekur. Personi i vdekur B.M. Është nga Gjakova dhe i moshës rreth 38 vjeçare”, ka thënë Gjurkaj për Telegrafin.

Më pas u bë e ditur se viktima e varur në litar ishte daullisti i njohur Behar Morina, njëherësh bashkëpunëtori i ngushtë i Xenit, me të cilin kishte edhe lidhje familjare.

Menjëherë pas këtij lajmi, Xeni kishte dhënë një prononcim për ‘Radio 1 ‘ duke thënë: “Jam i stepur, pa asnjë koment. Ende nuk po i dimë rrethanat. Nga të gjithë njerëzit që kam njohur gjatë jetës time, i fundit njeri që do thoja se do shkonte drejtë një akti të tillë është Behari. Nuk kam koment nuk e di çfarë ka ndodhur. Asnjë problem e asnjë telashe jetësore nuk e ka pasur, që e ka shprehur”.

Lexo po ashtu Personi që u gjet i vdekur në Gjakovë është daullisti i njohur Behar Morina

I njëjti po ashtu pak më parë ka bërë një postim në rrjetin social, Facebook, i cili shprehet i tronditur pas vdekjes së mikut të tij.

“Shpejt na le o Behar, më vrave në shpirt. Do më mungoj buzëqeshja e gëzimi që shprehje kur më takoje”, ka shkruar ai.

https://www.facebook.com/photo.php?fbid=3154906797931441&set=a.490646677690813&type=3&theater

Morina ndërkohë kishte përcjellë ndër vite orkestrinën e njohur gjakovare të Buxhovit që e shoqërojnë duetin Doli-Jetishi.

I ndjeri ka lënë pas vetes bashkëshorten dhe dy vajza. /Telegrafi/