Xavi: Loja me Rayo Vallecanon ishte një turp futbollistik, Kounde nuk mund të regjistrohet ende

Trajneri i Barcelonës, Xavi Hernandez është i bindur se Blaugranët duhet të kishin fituar duelin e javës së parë kundër Rayo Vallecanos në La Liga.

Xavi fajësoi mungesën e prekjes klinike të lojtarëve të tij para portës për barazimin e tyre 0-0 me Vallecanon në Camp Nou në ndeshjen hapëse të sezonit 2022/23.

“Nuk është e lehtë”, ka thënë fillimisht Xavi në konferencën për shtyp përpara duelit në udhëtim kundër Real Sociedadit.

“Ne duhet të kemi përulësi. Ndeshja kundër Rayos ishte një turp futbollistik. E meritonim të fitonim dhe na mungonte efektiviteti. Kemi luajtur një lojë të mirë. Unë preferoj euforinë më shumë sesa humbjen”.

⚡️ 𝙓𝘼𝙑𝙄 𝙇𝙄𝙑𝙀 ⚡️
Barça manager Xavi Hernández speaks to the media ahead of Sunday's #RealSociedadBarça

𝗪𝗔𝗧𝗖𝗛 𝗡𝗢𝗪 𝗢𝗡 𝗕𝗔𝗥𝗖̧𝗔 𝗧𝗩+
🖥 https://t.co/y4T6zDqzRN pic.twitter.com/BoL82tlSbB

— FC Barcelona (@FCBarcelona) August 20, 2022

Barcelona ka nënshkruar me Jules Kounde, por ata ende nuk e kanë regjistruar ish-qendërmbrojtësin e Sevillas pasi duhet të krijojnë hapësirë ​​në kufirin e pagave të tyre dhe të respektojnë rregulloret e La Liga.

Xavi konfirmoi se klubi nuk mund të regjistrojë Kounde nëse ata nuk shkarkojnë lojtarët fillimisht.

“Ne jemi ende duke pritur. Ai është prioriteti ynë dhe do të shohim nëse mund të regjistrohet. Ai është një qendërmbrojtës me shumë klas dhe përvojë edhe pse është 23 vjeç”.

Lexo po ashtu Si mund të regjistrohet Kounde te Barcelona

“Te Barcelona ai do të duhet të dëshmojë çdo ndeshje nëse mund të luajë. Unë e shoh atë më shumë si qendërmbrojtës, por në një situatë urgjente ai mund të luajë si mbrojtës i krahut.

“Ne kemi nevojë për largime për ta regjistruar atë”, përfundoi trajneri i Barcelonës. /Telegrafi/