Winline dhe EPIC eSports Events shpallin turneun e radhës në Dota 2

Operatori i turneve Epic eSports Events dhe kompania Winline prezantojnë sezonin e nëntë të ‘Winline Dota 2 Champions League’.

Turneu pritet të fillojë me datën 4 prill 2022 me fazën e grupeve me sistemin ‘Round Robin’ dhe formatin bo3 (best-of-three), ku do të garojnë gjithsej 14 ekipe.

Emrat e 12 ekipeve pjesëmarrëse tashmë janë bërë të ditura ndërsa dy ekipe të tjera do ta kenë mundësinë të sigurojnë një vend përmes kualifikimeve të hapura të cilat nisin sot (e enjte).

Ky turne pritet të zgjas deri me datën 23 prill 2022, gjatë të cilit ekipet do të garojnë për një grup çmimesh rreth 45.000 euro, ku 18.000 euro do të ndahen për vendin e parë.

Lojërat do të transmetohen nga RuHub Studio në platformën Twitch.

Lista e ekipeve pjesëmarrëse në turne

– Hydra
– Team Empire
– Gambit Esports
– Nemiga Gaming
– ASM Gambit
– V-Gaming
– No Sorry
– Lil Gun
– No Monkey Business
– CyberCats
– Chillax
– Yet Another Team
– Finalisti i kualifikimeve të hapura #1
– Finalisti i kualifikimeve të hapura #2

/Telegrafi/