Deontay Wilder ka hyrë në ring pas fitores së Tyson Furyt ndaj Francesco Pianetas, për t’i thënë britanikut se dueli mes tyre zyrtarisht do të ndodhë.
Boksieri britanik e fitoi meçin e dytë pas rikthimit të tij duke fituar me pikë ndaj boksierit italian dhe njëherësh duke e mbajtur rekordin pa humbje.
Ky triumf, njëkohësisht, ia ka siguruar duelin ndaj kampionit të WBC-së, i cili e ka konfirmuar edhe një herë se do të ndeshet me 30-vjeçarin.
Më pas, Fury e ka bërë vetveten duke i thënë Wilderit: “Do të të nokautoj, djalosh”.
Në ndërkohë nuk kanë munguar shakatë, pasi Fury ia ka marrë rripin e Wilderit dhe e ka ngritur në ring, por sërish ia ka kthyer.
Nga ana tjetër, duelin e shumëpritur mes Deontay dhe Tyson e ka konfirmuar edhe Frank Warren.
https://twitter.com/SURBITON_BOXING/status/1030926482271555584
Promovuesi i njohuri boksit ka thënë se data e përballjes mes tyre do të bëhet publike në javën e ardhshme. /Telegrafi/
