LAJMI I FUNDIT:

Washington Post: Zyrtari ushtarak ukrainas dyshohet si koordinator i sulmit në gazsjellësin Nord Stream

Washington Post: Zyrtari ushtarak ukrainas dyshohet si koordinator i sulmit në gazsjellësin Nord Stream

Një zyrtar i lartë ushtarak ukrainas ka koordinuar sulmin e vitit të kaluar mbi gazsjellësin rus Nord Stream, raportoi Washington Post të shtunën, duke cituar burime anonime në Ukrainë dhe në Evropë.

Askush nuk ka marrë përgjegjësinë për shpërthimet e shtatorit 2022, të cilat ndodhën jashtë ishullit danez të Bornholm dhe shkaktuan dëmtime në tre nga katër linjat e sistemit që sjell gazin rus në Evropë.

Washingtoni dhe NATO e quajtën një akt sabotazhi, ndërsa Moska tha se ishte një akt terrorizmi ndërkombëtar, transmeton Telegrafi.


Roman Chervinsky, një ish zyrtar i inteligjencës që ka shërbyer në forcat speciale të ushtrisë ukrainase, ka menaxhuar një ekip prej gjashtë personash, por nuk ka planifikuar sulmin, raportoi Washington Post. Megjithatë ai mohoi përfshirjen.

Një zëdhënës i ushtrisë ukrainase i tha Reutersit, se ai “nuk kishte informacion” rreth pretendimit.

Ministria e jashtme e Ukrainës dhe shërbimi i sigurisë së brendshme i Kievit, SBU, nuk kanë reaguar dhe dhënë ndonjë koment.

Gazeta gjithashtu raportoi se presidenti Volodymyr Zelensky, i cili ka mohuar rolin e Kievit në shpërthime, nuk ishte në dijeni të operacionit. Zelensky javën e kaluar zëvendësoi shefin e forcave speciale të operacioneve të Ukrainës.

Gjermania, Danimarka dhe Suedia kanë nisur hetimet në lidhje me shpërthimet në Nord Stream, të cilat çuan në atmosferë stuhi metani në një rrjedhje që zgjati disa ditë.

Chervinsky aktualisht është në arrest për tejkalim autoriteti, pas një përpjekjeje në 2022 për të bindur një pilot rus të dezertojë në Ukrainë, e cila sipas hetimeve çoi në një sulm rus vdekjeprurës mbi një bazë ajrore ukrainase.

Kritik i hapur i administratës së Zelenskyt, Chervinsky, ka thënë se çështja kundër tij është e motivuar politikisht dhe se ai po ndiqte urdhra në atë operacion.

Shefi i tij i komandës në atë kohë, gjeneral-major Viktor Hanushchak, i tha mediave ukrainase më herët këtë vit se udhëheqja e lartë ushtarake kishte nënshkruar komplotin për të tërhequr pilotin rus.

Washington Post dhe gazeta gjermane Der Spiegel bashkëpunuan në raportimin dhe ranë dakord të publikojnë në të njëjtën kohë. /Telegrafi/

Në trend Botë

Më shumë
Publikohen pamjet e shembjes së çatisë në stacionin hekurudhor në Novi Sad

Publikohen pamjet e shembjes së çatisë në stacionin hekurudhor në Novi Sad

Serbia
Kërkesa e politikanit francez për kthimin e Statujës së Lirisë nervozon mbështetësit e Trumpit: Eja, merre

Kërkesa e politikanit francez për kthimin e Statujës së Lirisë nervozon mbështetësit e Trumpit: Eja, merre

Amerika
Izraeli u konsultua me SHBA-në për sulmet në Gaza, thotë zëdhënësja e Shtëpisë së Bardhë

Izraeli u konsultua me SHBA-në për sulmet në Gaza, thotë zëdhënësja e Shtëpisë së Bardhë

Botë
Bosnja lëshon një urdhër-arresti mbarëkombëtar për Milorad Dodik

Bosnja lëshon një urdhër-arresti mbarëkombëtar për Milorad Dodik

Bosnja
“Na ktheni Statujën e Lirisë”, i tha SHBA-së eurodeputeti francez, vjen reagimi i Shtëpisë së Bardhë

“Na ktheni Statujën e Lirisë”, i tha SHBA-së eurodeputeti francez, vjen reagimi i Shtëpisë së Bardhë

Amerika
Më shumë se 300 të vrarë, përfshirë shumë fëmijë - pas sulmeve ajrore të gjera izraelite në Gaza

Më shumë se 300 të vrarë, përfshirë shumë fëmijë - pas sulmeve ajrore të gjera izraelite në Gaza

Botë
Kalo në kategori