Vushtrria që nuk e siguroi mbijetesën, bën reformim të madh – hap konkurs për të gjitha pozitat

Skuadra e Vushtrrisë në sezonin e ardhshëm do të bëjë gara në Ligën e Parë të futbollit në Kosovës.

Kur kanë mbetur edhe dy xhiro deri në fund të sezonit aktual, ky ekip e ka humbur edhe matematikisht garën për mbijetesë dhe pozicionohet në vend të 11 me 18 pikë.

Në ndërkohë, përmes një publikimi në faqen zyrtare në Facebook, klubi ka paralajmëruar ndryshimet të mëdha duke hapur konkurs për të gjitha pozitat në skuadër.

Më poshtë është postimi i plotë i Vushtrrisë:

KONKURS PUNE

Viciana Sports Club për “K.F. Vushtrria”, me rastin e riorganizimit të klubit dhe në vazhdën e ndryshimeve të vazhdueshme për punë dhe profesionalizëm, shpall konkurs për këto pozita:

Me orar të plotë:
• Drejtor ekzekutiv (CEO)
• Zyrtar Financiar
• Drejtor sportiv
• Sekretar i klubit
• Koordinator i klubit (përgjegjës për organizimin e ndeshjeve dhe koordinimin e aktiviteteve tjera brenda hapësirave të klubit)
• Menaxher i stadiumit (dhe aseteve tjera përcjellëse)
• Zyrtar për media
• Kryetrajner për Skuadren A
• Ndihmës trajner për Skuadren A
• Trajner i portierëve për Skuadren A
• Trajner kondicional
• Përgjegjës për sektorin e scout-ëve (përzgjedhësve të futbollit)
• Evidentues statistikor
• Fizioterapeut
• Doktor i përgjithshëm
• Drejtor / Koordinator i shkollës së fubollit
• Trajner për grupmosha (U-19, U-17, U-15, U-13, U-11, U-9)
Me orar të pjesshëm (part-time):
• Scout (nga të gjitha qytetet e Kosovës)
• Shitës i biletave
• Fotograf
• Video Xhirues / Animator
• Punëtor në byfen e stadiumit
• Mirëmbajtës i objekteve të stadiumit (pastrues)

Per te aplikuar, ju lutemi vizitoni: http://vicianasc.com

Konkursi mbetet i hapur per 14 dite, prej dites se publikimit

/Telegrafi/