Vrasja e blogerit të famshëm rus, dëshmitarët përshkruajnë se si ndodhi një ‘shaka me bombë’ pak para shpërthimit – mes viktimës dhe të dyshuarës

Blogeri ushtarak rus Vladlen Tatarsky ishte bërë “shaka rreth bombave” me vrasësin e tij të dukshëm në një ngjarje në Shën Petersburg disa minuta përpara se të vritej nga një bombë e fshehur brenda një statuje, kanë thënë dëshmitarët okularë.

Sipas mediave të huaja, përcjell Telegrafi, Daria Trepova, e cila i dha Tatarskyt figurën, i tha blogerit pro-luftës para dhjetëra të pranishmëve se rojet e sigurisë e kishin bllokuar atë të sillte dhuratën e saj në dhomë, sepse ishin të shqetësuar se mund të përmbante një bombë, sipas Marat Arnis, një gazetar lokal i cili ishte në ngjarje.

Lexo po ashtu Vrasja e blogerit të famshëm rus, ky dyshohet të jetë momenti kur një grua futi bustin me eksploziv brenda kafenesë ku ndodhi shpërthimi

“Ajo po qeshte teksa thoshte diçka të tillë, kështu që publiku dhe Vladlen qeshën me të”, citohet të ketë thënë Arnis. “Të gjithë e morën si shaka”.

‼️ The moment of the explosion in a cafe in St. Petersburg, the last seconds of the life of propagandist Vladlen Tatarsky (Maxim Fomin)#Tatarsky puts the bust back in the box, the listener asks a question about the destruction of bridges in Ukraine, and at that moment an… pic.twitter.com/sbv3BAxA12

— NEXTA (@nexta_tv) April 3, 2023

Si përgjigje, Arnis kujtoi Tatarsky duke thënë: “Pa merak, sillni këtu, ne do ta kontrollojmë”.

Lexo po ashtu E arrestuar dhe e lidhur për një radiator, këto janë fjalët që tha gruaja që futi në kafene statujën me eksploziv, e cila vrau blogerin e famshëm rus

Kështu, me lejen e Tatarskyt, busti i artë u soll brenda në mënyrë që Trepova t’ia dorëzonte zyrtarisht atij.

Video showing the moment Daria Teprova, planting the bomb in a cafe in St Petersburg which killed over a dozen civilians including Vladen Tatarsky. She’s currently in custody and being questioned over terrorism charges pic.twitter.com/H18XSsWnAH

— LogKa (@LogKa11) April 2, 2023

Disa minuta më vonë, ai shpërtheu, duke vrarë Tatarskyn dhe duke plagosur rreth 40 të tjerë në kafene, një vend i njohur me aktivistë pro-luftës dhe vend takimi për lëvizjen ultra-nacionaliste Cyber Front Z.

Gjithashtu edhe agjenti i pasurive të paluajtshme në Shën Petersburg dhe mbështetësi i luftës Eduard Omelchenko, i cili ishte i pranishëm në ngjarje, ka thënë se kujton se si Trepova tregonte statujën dhe duke bërë shaka: “Kjo nuk është një bombë”.

Sipas Omelchenko, 55 vjeç, dukej sikur Trepova e dinte se çfarë po bënte.

“Gjuha e trupit tregon se ajo ishte duke pritur që diçka të ndodhte”, ka thënë më tej Omelchenko.

Trepova u ul në pjesën e pasme të dhomës për pjesën më të madhe të ngjarjes, sipas Arnis, ndërsa Tatarsky përshkroi se si ishte të jesh reporter lufte dhe u përgjigj pyetjeve.

“Ajo dukej shumë nervoze”, ka thënë ndër tjerash ai.

Lexo po ashtu Kush ishte Vladlen Tatarsky, blogeri i famshëm rus që u vra nga një shpërthim i një busti që iu bë dhuratë?

Ngjarjet menjëherë para dhe pas sulmit dramatik të së dielës kanë qenë subjekt i një interesi intensiv ditët e fundit, me spekulime mbi rolin e saktë të Trepovas – veçanërisht nëse ajo e dinte se busti përmbante një bombë – dhe kush e organizoi sulmin.

Lexo po ashtu Kush e bëri “dhuratën brenda së cilës kishte eksploziv” nga ku u vra një prej blogerëve ushtarakë më me ndikim të Rusisë?

Autoritetet ruse arrestuan Trepova, 26 vjeç, të nesërmen dhe ajo u akuzua zyrtarisht për terrorizëm të martën.

Komiteti Hetimor i Rusisë dhe Komiteti i tij Kombëtar Anti-Terrorizëm kanë pretenduar se mbështetësit e kritikut të burgosur të Kremlinit, Alexei Navalny dhe luftëtarët ukrainas përdorën Trepovan për të vrarë Tatarskyn. /Telegrafi/