Vrasësit e heshtur të sulmit në zemër: Kaq kohë keni para se të kërcënoheni nga vdekja

Kur simptomat e një sulmi në zemër ndodhin gradualisht dhe ato nuk vijnë pas një ushtrimi të madh, është e rrallë që një pacient të vizitojë një mjek, thonë shkencëtarët amerikanë

Nga 474 pacientë amerikanë që shkuan në dhomën e urgjencës me një ulje të rrezikshme të rrjedhjes së gjakut në muskulin e zemrës, ata tek të cilët simptomat e tyre ndodhën gradualisht, kishin gjashtë orë më shumë sesa rekomandohej të thërrisnin ndihmë dhe të arrinin në spital, zbuluan mjekët amerikanë.

Ata kujtuan se për shkak të ndërprerjes së rrjedhjes së gjakut në muskulin e zemrës, qelizat e zemrës fillojnë të vdesin, dhe pacienti ndjen dhimbje më të forta ose më të dobëta në gjoks. Përkatësisht, ata nuk i njohën këto simptoma graduale ose i morën seriozisht, megjithëse po mendonin të thërrisnin një ambulancë.

Te sulmet e papritura në zemër, pacientët pësojnë dhimbje shumë të forta në gjoks që nga fillimi. Por simptomat e një sulmi gradual mund të mos tregojnë një sulm në zemër, pohojnë autorët e studimit.

Këto zakonisht janë ndjenjë e shqetësimit të butë në mes të gjoksit që zgjat disa minuta ose zhduket dhe më pas rishfaqet, dhimbje në njërën ose të dy duart, në pjesën e pasme, në qafë, zgavrën e barkut, gulçim dhe simptoma që zakonisht nuk i ndjen, siç është një djersitje e papritur, ligështim, ose ndjenja e pashpjegueshme se gjithçka do të shembet.

“Pacientët që përjetojnë një sulm në zemër nuk duhet të mendojnë se simptomat që ata ndjejnë janë në të vërtetë një alarm i rremë,” tha Sahereh Mirzaei, e cila gjithashtu është autore e studimit.

“Telefononi ndihmën e shpejtë dhe shkoni në dhomën e urgjencës sa më shpejt të jetë e mundur”, porosit ajo.

Autorët analizuan të dhëna për pacientët që morën pjesë në një studim më të madh. Rezultatet e analizës së tyre u përqendruan në 343 burra dhe 131 gra, nga 29 deri 93-vjeç.

Për shkak të problemeve shëndetësore, ata u pranuan në departamentin e urgjencës në spitalet më të afërt dhe më vonë u konfirmuan se kishin sindromë akute koronare – një rënie e papritur e rrjedhës së gjakut në muskulin e zemrës.

Gati gjysma e të anketuarve, rreth 44 për qind, raportuan simptoma graduale të sulmit në zemër, ndërsa të tjerët raportuan papritur. Është interesante që gjysma e të anketuarve u deshën katër orë ose më shumë për të thirrur shërbimin e ambulancës.

Sulmi atipik në zemër ishte më i shpeshtë te pacientët më të rinj, të moshës 35 deri në 40-vjeç ose më të vjetër, mbi 75-vjeç, si dhe te pacientët me diabet, veçanërisht gratë.