Videoja fundit e punonjësit ‘kamikaz’ që u përplas me aeroplanin e rrëmbyer, tregon për jetën e tij monotone (Video)

Është gjetur videoja e fundit që e ka postuar në YouTube, punonjësi i aeroportit të Seattle të Shteteve të Bashkuara, që rrëmbeu një aeroplan të zbrazët dhe bëri xhiro, para se të përplaset për vdekje.

Punonjësi që është quajtur nga mediat si kamikaz, tregon për jetën monotone që bënte, megjithëse ishin në një martesë të lumtur, ndërsa e vetmja kënaqësi që i ofronte puna, ishte mundësia të shëtiste, transmeton Telegrafi.

Richard Russell është identifikuar si 29-vjeçari, që vodhi aeroplanin e Alaska Airlines, i cili ndodhej në Seattle Tacoma Airport, për të bërë xhiro për një orë, para se të kthehej në top zjarri kur u përplas me tokë.

Filmimi i postuar në dhjetor të vitit të kaluar, tregon për punën e tij monotone si punonjës i aeroportit, ku për 13 dollarë në orë duhej të ngarkonte dhe shkarkonte bagazhet.

“Më duhet të bartë shumë çanta. E kam fjalën për shumë çanta”, dëgjohet duke thënë ai në videon rrëqethëse, për të treguar më pas, se i duhet të punojë edhe nëpër shi.

Pas kësaj, shfaqen pamjet nga udhëtimet që ka bërë Rassell, që përfshijnë disa prej pikave më të mira turistike në botë.

Prej fillimit, rasti është konsideruar misterioz, ndërsa menjëherë ishte hequr dyshimi se ka të bëjë me terrorizëm apo sulm në masë, pasi ai rrëmbeu një aeroplan të zbrazët dhe ra në një zonë të pabanuar. /Telegrafi/

https://youtu.be/-4PZ1HgNBgY