Deputetët e Lëvizjes Vetëvendosje kanë filluar me goditjen e tavolinave në sallën e Kuvendit të Kosovës, në momentin kur në sallë ka hyrë zëvendëskryeministri Driton Selmanaj.
Deputetët e LVV-së kanë kërkuar nga zëvendëskryeministri Selmanaj që të dal jashtë sallës së Kuvendit, transmeton Telegrafi.
Ky veprim i deputetëve ka ardhur pasi ata kishin paralajmëruar se nuk do të lejojnë zhvillim e seancave kur është i pranishëm Selmanaj. Këtë vendim, LVV e kishte marrë para disa javësh, pas deklaratave që zëvendëskryeministri Selmanaj i kishte bërë për të pagjeturit.
“Si Grup Parlamentar kemi vendosur që të refuzojmë të lejojmë vazhdimin e çfarëdo seance plenare ku është i pranishëm Driton Selmanaj. Për ne si Lëvizje, ky njeri është i papranueshëm në Kuvend. Çështja e të pagjeturve nuk është çështje e një subjekti politik apo individi te caktuar, por është problem dhe dhimbje që prek të gjithë qytetarët e kësaj Republike”, kishte njoftuar LVV.
Kryesuesja e seancës, Arbërie Nagavci ka ndërprerë seancën, duke bërë të ditur se seanca do të vazhdojë në ora 11:30. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251