I vërejti Policia me diçka të dyshimtë, pas kontrollit në shtëpi iu gjen marihuanë – vëllai i njërit prej të dyshuarve pengon policët

Policia e Kosovës ka bërë të ditur se gjatë një kontrolli ka vërejtur një person duke shkëmbyer marihuanë me dy të tjerë.

Siç thuhet në raport, Policia ka reaguar me shpejtësi dhe gjatë kontrollit tek një i dyshuar është gjet një qese me substancë narkotike e llojit marihuanë me peshë 0.82 gram dhe të holla 100 euro, ndërsa tek i dyshuari tjetër janë gjetur dy qese me substancë narkotike të llojit marihuanë me peshë 1.06 gram.

“Rr. Brigada 123, Suharekë 11.12.2024-19:15. Raportohet se nga njësiti policor është vërejtur i dyshuari mashkull kosovar duke biseduar dhe duke i dhënë apo marr diçka dy të dyshuarve tjerë po ashtu meshkuj kosovar.

Policia ka reaguar me shpejtësi dhe gjatë kontrollit, tek një i dyshuar është gjet një qese me substancë narkotike e llojit marihuanë me peshë 0.82 gram dhe të holla 100 euro, ndërsa tek i dyshuari tjetër janë gjetur dy qese me substancë narkotike të llojit marihuanë me peshë 1.06 gram”, thuhet në njoftim.

Pas arrestimit të tre të dyshuarve, me urdhër të gjyqtarit të procedurës paraprake janë bastisur banesat e të dyshuarve, ku në njërën prej banesave janë gjetur dhe konfiskuar substancë narkotike e llojit marihuanë me peshë totale 19.28 gram, një telefon, një brisk, foli alumini, qese plastike të zbrazëta, rizlla dhe grinder.

“Gjatë bastisjes, vëllai i njërit prej të dyshuarve pengon zyrtaret policor, ku i njëjti arrestohet. Me vendim të prokurorit, pas intervistimit tre të dyshuar dërgohen në mbajtje, ndërsa i katërti lirohet në procedurë të rregullt”, thuhet një njoftim. /Telegrafi/