Vedat Muriqi kthehet startues dhe me golin e tij në minutat e fundit i sjell fitoren Mallorcas

Vedat Muriqi është kthyer pas tre muajsh si startues te Mallorca në ndeshjen e sotme ndaj Rayo Vallecanos, ku arriti të shënojë golin e fitores.

Sulmuesi ynë kishte marr një lëndim në ndeshjen e Kosovës ndaj Izraelit ku fituam 1-0 dhe që atëherë ishte duke u rikuperuar.

Ai luante herë pas here nga banka rezervë, por sot ishte startues dhe këtë gjë ia shpërbleu trajnerit.

Lexo po ashtu U lëndua me Kosovën, Mallorca fiton rreth 1,5 milionë euro kompensim nga Vedat Muriqi

Rezultati ishte 1-1 me golat e Antonio Sanchez (Mallorca) dhe Alvaro Garcia (Rayo Vallecano), kur ndeshja po shkonte në minutat e fundit.

Në minuën e parë të kohës shtesë, doli në skenë lojtari kryesor i Mallorcas, Vedat Muriqi, i cili shënoi për 2-1, e që doli të jetë goli i fitores.

https://twitter.com/Christian126829/status/1756726257989902785

Për këtë paraqitje Muriqi nga SofaScore u vlerësua me notën 7.7, si lojtari më i mirë i ndeshjes.

Ai kishte tri goditje në portë dhe fitoi dhjetë duele.

View this post on Instagram

A post shared by Telegrafi Sport (@telegrafisport)

Ky ishte goli i pestë këtë sezon për Vedat Muriqin në La Liga, ku ka edhe dy asistime. /Telegrafi/