Vandalizohet vetura e tij, sulmohet me gjak të rremë dhe domate kryeministri australian

Kryeministri australian, Scott Morrison, u shënjestrua me domate dhe gjak të rremë dhe makina e tij u vandalizua nga protestuesit gjatë një vizite në Universitetin e Queensland të hënën.

Sipas medieve të huaja, përcjell Telegrafi, Morrison ishte duke vizituar qendrën e zhvillimit të vaksinave të universitetit, ku po punohet për një vaksinë COVID-19, kur ai u vu në shënjestër të protestuesve të cilët i ngjyrosën makinën e tij dhe një ndërtesë me lëng të kuq.

Morrison u shoqërua nga protesta pasi u bllokua në një ndërtesë të kampusit, ndërsa protestuesit – të cilët po demonstronin për të rritur ndërgjegjësimin për ndalimin e refugjatëve në Australi – hodhën bojë të kuqe dhe domate, sipas bashkëpunëtorit të CNN 9 News.

“Po, ne e ndoqëm Kryeministrin, e pritëm derisa ai hyri në ndërtesë dhe pastaj e mbyllëm brenda. Po, ne i hodhëm ngjyrë makinës së tij, nëpër dyert e ndërtesës dhe i hodhëm domate të mbuluara me ngjyrë në kokën e tij ndërsa ai iku nga dera e pasme”, tha grupi në një deklaratë të postuar në Facebook. /Telegrafi/

while everything else is going on, refugee protesters in Brisbane poured red paint on Scott Morrison's C1 car and yelled at him on the way out of the building, before he was put into a police car #auspol https://t.co/dtyFBuqx5V pic.twitter.com/2tEc5B3hSa

— Josh Butler (@JoshButler) October 12, 2020