Ushtarët rusë thonë se eprorët e tyre i shfrytëzojnë si mish për top, ua ndalojnë të ndihmojnë bashkëluftëtarët e plagosur

Luftëtarët e “Storm Z” janë mish për top, tha një pjesëtar i ushtrisë së rregullt ruse që shërben në njësinë me numrin 40318, dhe u dërgua me forcë në qytetin e Bakhmutit në lindje të Ukrainës në maj të këtij viti.

Ai tha se u kanë dhënë ndihmën e parë një grupi prej gjashtë apo shtatë ushtarëve të plagosur rusë në fushëbetejë, duke mos përfillur urdhrat e eprorëve emrat e të cilëve thotë se nuk i di dhe se që e kishin urdhëruar t’i lë shokët.

Ky ushtar thotë se nuk e di se pse iu dha një urdhër i tillë, por pretendon se ushtarët ruse konsiderohen nga eprorët si të pavlerë, transmeton Telegrafi.

Lexo po ashtu Forcat speciale të ukrainasve shkatërrojnë konvojin me mjete ushtarake të rusëve

Ushtari që kërkoi të mbetet anonim nga frikja e përndjekjes në Rusi sepse ka folur haptazi për luftën.

Sikurse ushtari nga njësia 40318, 13 persona tjerë të intervistuar përfshirë familjarë të ushtarëve rusë, thonë versione të ngjashme për eprorët e tyre.

Njëri nga luftëtarët rusë i dënuar për vjedhje ishte rekrutuar në burg, dhe pranoi se 15 deri në 120 burra në njësinë e tij, janë vrarë apo plagosur në afërsi të Bakhmutit në qershor të këtij viti. /Telegrafi/