Ushqimi dietal i rrezikshëm për fëmijët

Shkencëtarët, ekspertët e ushqimit, dhe ekspertët tjerë assesi të pajtohen se çfarë është e shëndetshme për fëmijën, ushqimi me pak, apo me shumë kalori.

Hulumtimi i fundit, i cili thotë se prindërit do të duhej t’i lejonin fëmijët e tyre të hanë ushqim të yndyrshëm dhe të ëmbël – që të zhvillohen si duhet, përjashton edhe opsionin e të ushqyerit të matur.

Studimi i cili është publikuar në revistën Nutrition Journal, e i kryer në University of Pennsylvania, u tërheq vëmendjen prindërve që ushqimi dietal dhe ndalimi i atij yndyror mund të jetë i rrezikshëm për fëmijët.

Shkencëtarët për kohë të gjatë kanë vërtetuar se, marrja me masë e yndyrave “të mira”, siç është vaji i ullirit dhe i lulediellit, janë të domosdoshme për rritjen e drejtë të fëmijës.
Megjithatë, për shkak të rritjes së madhe të numrit të fëmijëve të trashë dhe shqetësimit të prindërve të tyre, ekspertët kanë vendosur që të ushqyerit e fëmijëve duhet të mbahet nën kontroll, madje nëse kjo përfshin edhe dietën.

Studimi më i ri megjithatë ka dëshmuar që yndyrat, mund të jenë pjesë e të ushqyerit të shëndoshë dhe të matur dhe mund të luajnë rol të rëndësishëm në zhvillimin e fëmijës. Në fakt, rezultatet dëshmojnë që djegia e yndyrave në organizmin e fëmijës nuk zhvillohet aspak më ngadalë se tek të rriturit. Madje, fëmijët djegin masë më të madhe të yndyrës nëse marrim parasysh angazhimet e tyre, respektivisht energjinë.

Standardet e deritanishme rekomandojnë që fëmijët të ushqehen me ushqim të pasur me pemë, perime dhe substanca dietale. Përveç kësaj, fëmijëve iu nevojiten shumë më shumë energji dhe substanca ushqyese në krahasim me masën e tyre trupore sesa të rriturit.