Unikkatili shtyn publikimin e këngës së re më 15 prill për shkak të vdekjes së B52

Një nga legjendat e hip hopit shqip, Rebeli a.k.a Unikkatili, ka vendosur që të shtyjë publikimin e projektit të ri të tij.

Vetëm javë më parë ishte Unikkatili që kishte paralajmëruar lansimin e këngës së re më 10 prill, një projekt ky i menduar të jetë solo.

https://www.instagram.com/p/Bg4BmJ7FNJW/?taken-by=unikkatilofficial

Por, zhvillimet e fundit tragjike në ‘labelin’ TBA e kanë bërë liderin e këtij grupi të marrë vendimin për shtyrjen e publikimit të këngës.

Sipas një postimi në rrjetin social Instagram, Viktor Palokaj ka konfirmuar se kënga e tij e re do të publikohet më 15 prill.

Kjo për shkak të vdekjes së reperit Gëzim Hajdini i njohur si B52, i cili ishte edhe një prej themeluesve të labelit, The Bloody Alboz (TBA).

https://www.instagram.com/p/BbzQvmvFpir/?taken-by=unikkatilofficial

“Nuk më duket n’rregull me publiku kong nesër.Po mendoj 15 prill ma adekuat (sic.)”, ka shkruar Unikkatili në postimin e publikuar.

Unikkatili dhe B52 kanë qenë miq dhe bashkpuntorë të afërt. Ata kanë një numër këngësh së bashku, e në veçanti dallohen dy këngët “Tu Kacafyt me Jet” dhe “Gishtin e Tret”. /Telegrafi/

https://instagram.com/p/BhWzVxWliBI/?utm_source=ig_embed