Ulqini, vendi i klipeve të estradës për verën 2017 (Foto/Video)

Prurjet e artistëve të estradës shqiptare kanë qenë të shumta për verën 2017.

Shumë nga ata kanë zgjedhur të sjellin këngë ritmike për t’iu përshtatur atmosferës e cila krijohet gjatë verës në vendet bregdetare, shkruan Telegrafi.

Lexo po ashtu Hitet verore të Estradës për 2017-n, që morën miliona klikime në pak ditë (Video)

Por, nëse vërejmë me vëmendje shohim se shumica e klipeve të sezonit veror 2017 kanë një të përbashkët.

E kjo e përbashkët mes tyre është lokacioni i xhirimet, pasi një pjesë e mirë e tyre kanë zgjedhur bregdetin e Ulqinit.

Lexo po ashtu Të gjitha lajmet nga Estrada Shqiptare

Telegrafi ju prezanton në vazhdim me disa prej klipeve verore të 2017-s, të cilat u realizuan në Ulqin.

Ledri Vula dhe Young Zerka – Nona

Dyshja kanë zgjedhur të xhirojnë klipin e tyre përgjatë rrugës për në Ulqin, si dhe më pas një nga plazhet e këtij qyteti. Ndërkohë xhirimet përfundimtare i kanë kryer në zonën më luksoze të Ulqinit, në “Ada Bojana”, mbi lumin Buna.

Blunt dhe Real 1 – Do you love me

Edhe dyshja Blunt dhe Real 1 kanë zgjedhur Malin e Zi për realizimin e klipit të tyre të ri veror “Do you love me”. Një nga skenat e këtij klipi është xhiruar në plazhën e madhe në Ulqin, ndërsa xhirimet tjera janë kryer në qytetin e vjetër të Sveti Stefanit.

Gold AG dhe Shemi (Ilirët) – Moj e mira e Ulqinit

Një këngë me një titull të tillë s’kishte si të mos xhirohej në këtë qytet. Klipi “Moj e mira e Ulqinit” nga Gold AG dhe Shemi është xhiruar në Kalanë e Ulqinit, në plazhet e qytetit si dhe në një nga resortet më luksoze private në Ulqin.

Fisnikët dhe Hekuran Krasniqi – Kënga ime

“Kënga ime” titullohet bashkëpunimi i Hekuran Krasniqit me Fisnikët, të cilët në klipin e tyre na sollën gjithashtu atmosferën e Ulqinit. Xhirimet për këtë klip janë kryer në një pjesë te vendi i njohur “Pishat”, ndërsa pjesa tjetër në Plazhën e Madhe.

Por, nuk ka qenë i vetmi qyteti i Ulqinit lokacioni i preferuar i estradës për të xhiruar klipet, pasi një pjesë e mirë e tyre kanë zgjedhur edhe qytetin e vjetër Budva, ose jugun e Shqipërisë. /Telegrafi/