Ukraina akuzon Rusinë se i ka shkatërruar 60 mijë tonelata grurë nga sulmet në Odesa

Ukraina ka thënë se Rusia ia ka shkatërruar 60 mijë tonelata të drithërave që do të duhej të eksportoheshin. Sulmet në portin e Odesas është raportuar të kenë ndodhur pak pas mesnatës.

Rusia ka nisur raketa në rajonin jugor Odesa për dy net me radhë, duke i goditur portet në Detin e Zi, pas largimit nga marrëveshja, e cila i ka mundësuar Ukrainës t’i eksportojë drithërat përmes detit.

Ministria ukrainase e Bujqësisë, ka thënë se “60 mijë tonelata të drithërave janë shkatërruar” në portin Çornomorsk.

Ajo ka thënë se kjo sasi ishte planifikuar të nisej për eksport “60 ditë më parë”. Sipas saj, siguria e ushqimit në botë po rrezikohet edhe një herë tjetër.

Lexo po ashtu Kritika të ashpra ndaj Kremlinit për moszgjatjen e marrëveshjes së grurit me Ukrainën

Presidenti ukrainas Volodymyr Zelensky ka thënë më parë se Rusia “i ka shënjestruar me qëllim drithërat”.

Rusia ka refuzuar ta zgjasë marrëveshjen për transportin e drithërave, dhe prej atëherë ka paralajmëruar për “rreziqe” të eksporteve të grurit përmes Detit të Zi.

Kombet e Bashkuara kanë thënë se vendet më të varfra “do ta paguajnë çmimin” për prishje të marrëveshjes, derisa edhe Perëndimi e ka dënuar një gjë të tillë. /REL/