Udhëtoi në 22 shtete me vetëm 200 dollarë në xhep: Rrëfimi i gruas që vizitoi edhe Kosovën (Foto)

Për 13 muajt e fundit, Petrina Thong (29) ka bërë rrugën e saj nga Suedia në Malajzi, me vetëm 200 dollarë në xhep. Ajo u nis nga Stockholmi, në qershor të vitit 2015, për të parë se sa larg do të mund të shkonte.

Siç rrëfen ajo, përcjell Telegrafi, ajo përfundoi në vendlindjen e saj në Kuala Lumpur, pas një viti, në korrik të vitit 2016, pasi kishte vizituar 22 shtete.

Lexo po ashtu Misterioze: Gjendet adoleshentja e zhdukur në pyll - por jo siç ishte më parë (Foto)

“Kur u nisa për në Stokholm të vitit të kaluar, shkova me qëllimin për të përjetuar autostop-in, thjesht sepse nuk mund të imagjinoja se mund ta bëja atë”, ka rrëfyer ajo.

Pasi kishte harxhuar edhe ato 200 dollarë, Thong kishte vendosur që të provonte një sfidë të re: të udhëtojë pa të holla dhe pa plane.

“Unë do të qëndroja në rrugë, të çoja gishtin. Kudo që të shkonte makina, do të shkoja edhe unë. Pasi të arrija atje, vendosja se ku do të flija dhe çfarë do të haja. Për ushqim, do të kërkoja edhe fruta të mbetura nëpër tregje – deri tek kazanët e plehrave. Kur vinte mbrëmja, gjeja vende nëpër kampe ose ftohesha nga banorët”.

Thong thotë se edhe pse shumë njerëz janë të frikësuar nga autostopi, sidomos kur bëhet fjalë për femrat, çfarë ajo kishte takuar ishte e mahnitshme – njerëz shumë të mirë që ishin në gjendje për të ndihmuar atë.

Gjithsesi ajo kishte edhe momente të frikshme, përcjell Telegrafi. Asaj iu desh të kalonte kufirin nga Irani në Pakistan, përmes Balochistan, gjë që mund të jetë shumë e rrezikshme.

Lexo po ashtu Pasi dëgjuan të qarat në një apartament, policia bëri një veprim që ka prekur të gjithë!

“Për shkak të rasteve të udhëtarëve të rrëmbyer, nuk mu lejua të udhëtojë vetëm”, shpjegon Thong.

“Nga kufiri iranian, jam futur në një kamion të policisë, e përcjellë nga dy persona të armatosur në një biçikletë”.

Rruga e Petrinas ishte nga Suedia në të gjithë Evropën, Danimarkë, Gjermani, Poloni, dhe pastaj të gjithë në vendet baltike. Ajo pastaj udhëtoi nëpër Shqipëri, Kosovë dhe nga Bullgaria në Turqi.

Nga Turqia, ajo shkoi në Iran, Pakistan, Indi, Tajlandë, dhe pastaj në fund në shtëpi në Malajzi. /Telegrafi/