U raportua se do t’i bashkohet Ronaldos në Al Nassr, Casemiro thyen heshtjen dhe zbulon të ardhmen e tij

Një nga emrat më të përfolur në afatin kalimtar të janarit është edhe ai i mesfushorit brazilian Casemiro.

Ka pasur shumë fjalë rreth yllit të United për të ardhmen e tij e cila shihej larg Old Traford.

Media të shumta angleze e kanë bërë si fakt të kryer ribashkimin e brazilianit me Cristiano Ronaldon për herë të tretë, kësaj radhe në Arabinë Saudite te Al Nassr.

Lexo po ashtu Manchester United do ta humbas një shumë të pabesueshme të parave nëse vendosin t'ia prishin kontratën Casemiros

Megjithatë ka qenë vet mesfushori brazilian që ka folur për të ardhmen e tij duke konfirmuar se do të qëndroj në Old Traford.

 “Është gjithçka mahnitëse, që nga dita e parë, u ndjeva shumë i mirëpritur nga klubi, lojtarët dhe tifozët”.

Lexo po ashtu Manchester United po konsideron një vendim drastik për Casemiron

“Kam marrë kaq shumë dashuri brenda dhe jashtë fushës. Ishte një eksperiencë unike dhe magjike, dhe më duhej një përvojë e tillë. Jam shumë i lumtur në Manchester me gjithçka që më ofron qyteti dhe klubi”.

“Jam i lumtur me këtë dhe duke ndihmuar klubin të përmirësohet dhe të kthehet në rrugën e arritjeve. Pra, po, jam i lumtur që luaj për Manchester United”, ka thënë Casemiro duke konfirmuar qëndrimin te Djajtë e Kuq. /Telegrafi/