Truqe magjike për mish të përsosur: Qe se si duhet ta piqni pulën dhe si t’i piqni bërxollat!

Pasi t’i aplikoni këto truqe, familjarët tuaj do të kënaqen me mënyrën si i keni përgatitur.

Nëse e doni mishin në variante të ndryshme, dëgjoni këto këshilla, sepse me to do të bëni drekë të shkëlqyeshme për më të dashurit tuaj, transmeton Telegrafi.

Pjekja në furrë

Për pjekje të mirë, pos mishit cilësor, është me rëndësi edhe furra e nxehur. Nëse furra nuk është mjaftueshëm e nxehur, mishi do të thahet dhe nuk do të ketë shije. Për pjekjen e mishit të mëshqerrës me brinjë në sasi prej një kilogram e gjysmë mjafton një orë e gjysmë në 200 gradë Celsius.

Njësoj vlen edhe për mishin e pulës, ndërkaq kofshët e pulës dhe mishin e bardhë duhet ta piqni 45 minuta në të njëjtën temperaturë.

Pula e rëndë rreth dy kilogram e gjysmë piqet në 170 gradë Celsius dy deri në tri orë, ndërkaq nëse pula është e mbushur do të duhet të piqet tri deri në tri orë e gjysmë.

Shpatullat e qengjit me peshë rreth dy kilogramë e gjysmë apo tul prej një kilogram e gjysmë duhet një orë e gjysmë në 200 gradë Celsius, derisa një copë mish viçi piqet në të njëjtën temperaturë, mirëpo 30 deri 40 minuta.

Për t’u pjekur një kilogram mish viçi duhen 40 deri 60 minuta në 200 gradë Celsius. Koha e pjekjes varet nga ajo se a është mishi i mbushur apo jo, kështu që mesatarisht nevojiten prej 15 minuta e më shumë për mishin e pulës deri në gjysmë ore për mishin e gjelit të detit.

Pjekja në tigan

Filetë e pulës apo të gjel të detit piqen shtatë deri në tetë minuta në temperaturë mesatarisht të lartë derisa të marrin ngjyrë të barabartë. Me rastin e pjekjes duhet rrotulluar në mënyrë që të piqet njësoj nga të gjitha anët.

Bërxollave të mishit të viçit u nevojitet më shumë kohë, rreth 10 deri 11 minuta, ndërkaq kohë e njëjtë nevojitet edhe për copën e mishit të viçit të trashë deri në katër centimetra.

Copëve të mishit u mjaftojnë tetë deri në dhjetë minuta në temperaturë mesatarisht të lartë. Sa më të trasha të jenë copat aq më gjatë duhet pjekur. Pjekja e mishit të qengjit në qumësht.

Zierja

Zierja, mu si edhe pjekja në furrë, kërkon më shumë kohë, kështu që për mishin e viçit prej dy kilogramësh nevojiten dy orë e gjysmë në temperaturë mesatarisht të lartë, transmeton Telegrafi.

Mishi i zogut zihet një orë, pula dy deri në tri orë, ndërsa për mishin e viçit prej dy kilogramësh nevojitet një deri në dy orë. Shpina e tymosur e mëshqerrës duhet të zihet rreth 45 minuta.

Mishi i marinuar

Mishi i marinuar piqet thellë në vaj dhe në furrë. File pule të marinuara (rreth pesë copë) duhet të piqen 25 deri në 30 minuta në 210 gradë Celsius, ndërkaq copa e mishit të mëshqerrës rreth një orë e 20 minuta në 180 gradë Celsius.

Për mishin e gjelit të detit furra duhet të jetë e nxehur në 200 gradë, ndërkaq mishi piqet për 45 minuta.

Për pjekje të thellë në vaj duhet më pak kohë, prandaj mishin e pulës dhe të gjelit të detit duhet pjekur në temperaturë mesatarisht të lartë rreth shtatë deri në tetë minuta, derisa të marrë ngjyrë të artë. Mishin e mëshqerrës duhet pjekur pesë deri në gjashtë minuta nga të gjitha anët. /Telegrafi/