Trump thotë se Tajvani duhet të paguajë amerikanët për mbrojtjen kundër Kinës

Donald Trump ka thënë se Tajvani duhet t’i paguajë SHBA-së për mbrojtjen nga Kina, duke vënë në pikëpyetje mbështetjen e Uashingtonit për demokracinë e ishullit nëse ai fiton përsëri dhe futet në Shtëpinë e Bardhë në zgjedhjet presidenciale të nëntorit.

Në përgjigje të komenteve të Trump, kryeministri Cho Jung-tai tha se Tajvani dhe SHBA kanë marrëdhënie të mira pavarësisht mungesës së lidhjeve formale, por shtoi se Tajvani po rrit aftësitë për të mbrojtur veten, transmeton Telegrafi.

Në një intervistë me Bloomberg Businessweek të martën, Trump u pyet nëse do të mbronte Tajvanin kundër Kinës nëse fitonte zgjedhjet në SHBA në nëntor.

Partia Komuniste në pushtet e Kinës pretendon për Tajvanin si një provincë dhe është zotuar ta aneksojë atë, duke refuzuar të përjashtojë përdorimin e forcës ushtarake. SHBA nuk e njeh zyrtarisht Tajvanin, por është partneri më i rëndësishëm i sigurisë.

Në përgjigje të pyetjes, Trump tha se Tajvani duhet t’i paguajë SHBA-së për ta mbrojtur atë, se SHBA “nuk ishte ndryshe nga një kompani sigurimesh” dhe se Tajvani “nuk na jep asgjë”.

SHBA i shet Tajvanit miliarda dollarë armë sipas detyrimeve legjislative për t’i siguruar mjetet për t’u mbrojtur. Këto shitje u rritën dukshëm nën presidencën e Trump. /Telegrafi/