Trump: SHBA duhet ta marrë Grenlandën, nëse BE dhe Danimarka nuk e kuptojnë këtë do t’ua shpjegojmë

Presidenti amerikan Donald Trump u tha gazetarëve sot në Shtëpinë e Bardhë se SHBA “duhet të ketë Grenlandën” për sigurinë globale.

“Ne kemi nevojë për Grenlandën”, tha presidenti.

“Gjë që është shumë e rëndësishme – për sigurinë ndërkombëtare, ne duhet të kemi Grenlandën. Nuk është çështja nëse mund të bëjmë pa të. Ne nuk mundemi.”

Bëhet e ditur se Trump pretendoi se kontrolli amerikan i Grenlandës është një çështje paqeje “për të gjithë botën”, jo vetëm për SHBA-në, shkruan CNN.

“Shikoni, ju keni anije luftarake në të gjithë vendin që kalojnë pikërisht nga Grenlanda. Ne nuk do ta lejojmë këtë”, shtoi Trump.

Trump: We need Greenland for international security. We have to have Greenland. It’s not a question of, ‘Do you think we can do without it?’ We can’t. pic.twitter.com/PRWOVDxE5h

— Republicans against Trump (@RpsAgainstTrump) March 28, 2025

Lexo po ashtu Vance nuk përjashton mundësinë e marrjes me forcë të Grenlandës: Amerika duhet të udhëheqë në Arktik

Trump tha se besonte se Danimarka dhe Bashkimi Evropian e kuptonin pozicionin e tij për rëndësinë e territorit, por shtoi një paralajmërim: “Dhe nëse ata nuk e kuptojnë, ne do të duhet t’ua shpjegojmë atë.”

Raportohet se zëvendëspresidenti i SHBA-së JD Vance dhe gruaja e tij po vizitojnë sot territorin gjysmë autonom danez, duke e bërë Vance zëvendëspresidentin e parë amerikan që viziton Grenlandën.

“Ata do të jenë përfaqësues të mirë të vendit tonë”, tha Trump.

Ndryshe, politikanët e Grenlandës e kanë bërë të qartë në mënyrë të përsëritur se kundërshtojnë aneksimin dhe kryeministrja daneze Mette Frederiksen i bëri thirrje Trumpit që të respektojë “rregullat themelore të sovranitetit”.

Një sondazh i kryer nga një gazetë e përditshme në janar tregoi se 85% e popullsisë së Grenlandës nuk duan të bëhen pjesë e SHBA-së dhe pothuajse gjysma e të anketuarve thanë se interesi i Trumpit përbënte një kërcënim. /Telegrafi/