Trump ndalon fluturimet në Mbretërinë e Bashkuar, Italia prezanton masa të reja, epidemia në Kinë është në rënie

Coronavirusi po e paralizon Evropën.

Presidenti amerikan Donald Trump ka konfirmuar se ai do të ndalojë fluturimet nga Britania e Bashkuar dhe Irlanda që nga mesnata.

Ai kujtoi se më parë kishte ndaluar fluturimet për qytetarët e 26 vendeve evropiane, i cili do të zgjasë për 30 ditë, transmeton Telegrafi.

Ndërkohë numri i vdekjeve në 24 orët e fundit në Mbretërinë e Bashkuar është dyfishuar – 11 njerëz kanë vdekur dhe numri i përgjithshëm i vdekjeve nga coronavirusi tani është 21. Të infektuar janë 2,226 njerëz.

Mbi 150,000 raste të coronavirusit janë regjistruar në të gjithë botën deri në mëngjesin e së shtunës.

Në total, vdiqën mbi 5,700 persona, kryesisht në Kinë.

Dje ishte dita më e keqe në Itali, 250 njerëz vdiqën në 24 orë.

Në anën tjetër të botës, në Kinë, epidemia është në rënie. Vetëm 11 raste të reja u raportuan këtë mëngjes.

Vdekja e dytë nga coronavirusi u raportua në Norvegji.

Ky është një pacient i moshuar që vdiq në orët e para të së shtunës.

Italia ka prezantuar masa të reja për të luftuar coronavirusin pandemik.

Kryeministri Giuseppe Conte ka konfirmuar se masa të shumta do të mbrojnë punonjësit e kujdesit shëndetësor që luftojnë me sistemin e mbipopulluar.

Familjarët do të marrin ndihmë financiare dhe siguria në punë do të rritet për të zvogëluar rrezikun e infeksionit. Conte konfirmoi masa shtesë që mund të ruanin sigurinë e ekonomisë italiane. /Telegrafi/