Tretmanët festivë për flokë të bukur dhe me shkëlqim

Nëse dëshironi të shkëlqeni gjatë festave, ushqeni flokët me maska nga kuzhina juaj. Shfrytëzojini artikujt që i keni në shtëpi dhe arrini dukjen e shkëlqyeshme.

Maskë nga kungulli
Kungulli në mënyrë të shkëlqyeshme ushqen flokët, sepse është i pasur me vitamina A dhe kalium. ë një enë vendosni dy gota kungull të zier, shtoni një lugë vaj kokosi, një lugë mjaltë dhe një jogurt. Përziejini përbërësit dhe vendosni në kokën e lagësht. Lini që maska të ndikojë për 15 minuta e më pas i shpëlajini me shampon.

Uthulla heq vajin e tepërt
Në mënyrë që flokëve t’u dhuroni më shumë jetë, shpëlajini me përzierjen e një gote uthull të mollës dhe një gotë ujë të vakët. Më pas shpëlani flokët me shampon për ta larguar aromën jo të këndshme.

Shampanja kthen shkëlqimin
Shampanja bën çudinë për flokët, sidomos për flokët e verdhë duke krijuar një shkëlqim të artë. Flokët së pari shpëlani me shampon, e më pas shpëlani me gjysmë gotë ujë të vakët dhe gjysmë gotë shampanjë. Mos i shpëlani, flokët do të shkëlqejnë dhe do të jenë plot me volum.

Kanella forcon rrënjën
Në një enë vendosni gjysmë gotë të mbushur me vaj ulliri dhe shtoni një lugë kanellë dhe mjaltë. Kur masa të jetë ftohur, e vendosni në flokë dhe e lini të ndikojë për 15 minuta. Më pas flokët i shpëlani me shampon, ndërsa që këtë tretman e përsërisni çdo javë për ta forcuar rrënjën e flokut.
/Telegrafi/