Stellar Pizza, një restorant robotik që mund të prodhojë një pica çdo 45 sekonda, do të hapet në pranverën e vitit të ardhshëm në Los Anxhelos.
Sipas medieve të huaja, përcjell Telegrafi, kompania u themelua në maj të vitit 2019 nga tre ish-inxhinierë të SpaceX, Benson Tsai, Brian Langone dhe James Wahawisan.
Tsai, CEO i Stellar Pizza, kaloi pesë vjet në kompaninë e Elon Musk ku ai projektoi sisteme të avancuara të baterive për raketa dhe satelitë.
Ai mblodhi më shumë se 23 ish-punonjës të SpaceX për të ndërtuar një makinë të automatizuar pa prekje për të bërë pica, e cila përshtatet në pjesën e pasme të një kamioni.
Dhe makina robotike e Stellar Pizza-s mund të përgatisë, pjekë dhe mbushë një picë në më pak se pesë minuta.
Fillimisht, një top brumë picash i bërë vetë futet në makinë, ku shtypet dhe formohet në formë të rrumbullakët.
Pasi brumi të jetë gati, makina e lyen picën me salcë dhe përbërës të tjerë.
Pica më pas futet në një nga katër furrat me temperaturë të lartë në makinën robotike.
Kompania ofron një pica me pepperoni ose supreme.
Përndryshe, klientët mund të kërkojnë picën e tyre me gjëra të tjera, duke përfshirë qepë, proshutë, pulë dhe ullinj. /Telegrafi/
