Trajneri i Gjilanit i lumtur me fitoren ndaj Vushtrrisë, kërkon që tifozët të rikthehen në stadiume

Trajneri i Gjilanit, Gentjan Mezani është shprehur shumë i lumtur me fitoren 3-0 ndaj Vushtrrisë në kuadër të javës së 35-të në Superligën e Kovës.

Gjilanasit ishin duke avancuar 1-0 nga pjesa e parë, derisa në të dytën shënuan edhe dy herë të tjera.

Mezani e përshkruajti ndeshjen ndaj Vushtrrisë si mjaftë të vështirë, mirëpo që djelmoshat e tij dhanë maksimumin.

Lexo po ashtu Gjilani ngjitet në pozitën e dytë me fitoren ndaj Vushtrrisë

“Vushtrria nuk është një skuadër e lehtë për ta mposhtur, pasi që është një skuadër pa presion dhe me futbollistë të ri që kërkojnë të dëshmojnë vetën”, ka thënë Mezani për Super Sport Kosova.

“E morëm më stresuese pjesën e dytë, pasi që kundërshtari fitoi disa minuta terren, por me realizimin e golit të dytë morën gjërat nën kontroll dhe mbyllëm me sukses ndeshjen”.

“Ne luajmë për veten tonë natyrisht sepse jemi profesionistë por luajmë edhe për tifozët. Gjej rastin t’i falënderoj tifozët, pasi që na kanë mbështetur vazhdimisht”.

“Janë një forcë e madhe për ne vazhdimisht. I falënderoj për mbështetjen, pasi që janë lojtari i 12-të. Shpresoj që qeveria do të marrë një vendim të shpejtë për t’i lejuar tifozët të futen brenda stadiumeve. Tifozët mund të mbajnë distancën më shumë se në stadium, se të vendosen në objekte pranë stadiumit, pasi që e rrezikojnë edhe shëndetin e tyre”, ka përfunduar strategu i Gjilanit.

Gjilani gjendet në pozitën e dytë me 48 pikë, katër më pak se lideri Drita, gjersa Vushtrria është në të parafundit me 16 sosh. /Telegrafi/