Trajneri i Brest bën shaka me Mbappen para duelit me Real Madridin në Ligën e Kampionëve

Trajneri i ekipit francez Brest, Eric Roy, ka bërë shaka duke thënë se Kylian Mbappe nuk është në formë të mirë, pas het-trikut të tij ndaj Real Valladolidit. 

Mbappe shënoi që të gjithë golat për Real Madridin në fitoren e tyre me rezultat 3-0 ndaj Real Valladolidit të shtunën, që do të thotë se ai ka gjetur rrjetën në pesë raste gjatë dy ndeshjeve të fundit në kampionat. 

Para përballjes me gjigantin spanjoll në mesjavë, trajneri Roy me shaka tha se 26-vjeçari nuk është aq i rrezikshëm. 

“Kylian Mbappe nuk është në formë të mirë, është në rregull. Nuk e di nëse ka ndonjë ndeshje me Real Madridin që vjen në momentin e duhur, sepse unë kam përshtypjen që ata janë në formë të mirë, por në çdo rast vjen kur ne po bëjmë më mirë në kampionat”. 

Lexo po ashtu Endrick plus para: Oferta e madhe e Real Madridit për transferimin e yllit kolumbian

“Kjo ndeshje do të jetë mjaft e lehtë për t’u përgatitur, edhe nëse në nivel teknik dhe taktik do të ketë gjëra për t’u analizuar dhe për t’i transmetuar tek lojtarët”. 

“Por sa i përket përkushtimit, vendosmërisë, entuziazmit dhe gjithë kësaj, unë mendoj se duhet t’i qetësojmë ata më shumë se sa t’i motivojmë ata”, ka thënë Roy. 

Mbappe tani është golashënuesi i dytë më i mirë në La Liga me 15 gola këtë sezon,  me dy më pak se Lewandowski që kryeson me 17 gola të realizuar./Telegrafi/