Trabzonspori shpallet kampion i Turqisë pas 38 vitesh – festë e jashtëzakonshme nga tifozët e klubit

Trabzonspor është shpallur kampion në Superligën e Turqisë pas 38 vjetësh pritje.

Vendasve të Trabzonsporit i ka mjaftuar vetëm një barazim 2-2 ndaj Antalyasporit për t’u shpallur kampion i Superligës së Turqisë.

Kur kanë mbetur edhe tri xhiro deri në fund, Trabzonspori ka 77 pikë në vendin e parë, ndjekur nga Fenerbahçe me 68 pikë.

🏆 2021-2022 Season Süper Lig Champion TRABZONSPOR! ❤️💙 pic.twitter.com/knFOYDMiYR

— Trabzonspor English (@TrabzonsporEN) April 30, 2022

Falë ndeshjeve direkte më të mira, Trabzonspori e ka siguruar edhe matematikisht titullin e shtatë në histori.

Trabzonspori e kishte fituar gjashtë herë brenda 10 vjetëve titullin e Superligës, por një i tillë i mungonte që nga sezoni 1983/84.

🎶🎵🎶 BORDOYA MAVİ DİYENLER UĞRUNA
İNADIYLA ŞAMPİYON TRABZON! 🎶🎵🎶 pic.twitter.com/2JZUeQHQrZ

— Trabzonspor (@Trabzonspor) April 30, 2022

Tifozët e Trabzonsporit pretendojnë edhe për një titull të fituar në sezonin 2010/11, ku Fenerbahçe falë gol-diferencës më të mirë arriti të shpallej kampion, mirëpo më vonë u dënua nga UEFA për kurdisje.  Në vitin 2021, megjithatë, prokurorët turk ia konfirmuan titullin Fenerit.

Trabzonspori është klubi i katërt me më së shumti tituj të ligës në Turqi, pas Galatasarayt (22), Fenerbahçes (19) e Beshiktashit (16).

🌊 Trabzonspor taraftarları, karşılaşmanın son düdüğüyle birlikte yeşil zemini dolduruyor! #SporTotoSüperLig pic.twitter.com/R2dei1ehgh

— beIN SPORTS Türkiye (@beINSPORTS_TR) April 30, 2022

Në lidhje me fitoren e titullit, Trabzonsporin e ka uruar edhe presidenti turk, Recep Tayyip Erdogan.

“Dua ta uroj klubin e Trabzonsporit, fansat, qytetin e Trabzonit dhe të gjithë stafin e klubit për shpalljen kampion”, ka shkruar Erdogan.

Festa në stadium dhe në qytet ishte e madhe pas titullit të fituar. /Telegrafi/

Ülkemizin dört bir yanında şampiyonluğumuz kutlanıyor! https://t.co/F9u6kIeJfy

— Trabzonspor (@Trabzonspor) April 30, 2022