Top sulmuesi që tifozët thonë se “kemi harruar që ende luan” ka realizuar një nga golat më të bukur që keni parë

Gerard Deulofeu shënoi një gol në stërvitje për të lënë tifozët të hutuar.

Sulmuesi spanjoll rikrijoi një nga golat e tij më të famshëm me goditjen brilante që e la portierin të shtangur në vend.

Anësori, i cili luajti për skuadra si Barcelona, Everton dhe Watford, tani është në skuadrën e Serie A, Udinese.

Ai dha shumë momente magjie gjatë kohës së tij dhe tregoi se e ka ende cilësitë me një gol të jashtëzakonshëm në stërvitje.

Deulofeu mori topin në krahun e majtë, por nuk kishte shumë mundësi pasi një mbrojtës e mbyllte atë kënd.

Kështu që spanjolli vendosi të godiste topin me finesë dhe ta dërgonte mbi portierin për ta mposhtur atë.

Goditja i la tifozët të habitur, megjithëse disa ishin më të tronditur kur mësuan se Deulofeu është ende duke luajtur.

Njëri reagoi duke thënë: “A mund të kemi një çmim për golin e stërvitjes më të mirë apo diçka tjetër? Të nominuarit mund të jenë më të mirë se ata të Puskas”.

Një tjetër shtoi: “Unë nuk e dija që ky djalë ishte ende duke luajtur”.

Një i tretë shkroi: “Më pëlqen kur shoh një postim të rastësishëm për një lojtar që e kam harruar plotësisht. Nuk e kisha idenë se ai ishte në Udinese”. /Telegrafi/