Marc-Andre ter Stegen ka zbuluar ditë më parë se ai nuk është adhurues i madh i sportit dhe të afërmit te tij qeshin kur u thotë se ai nuk kupton asgjë nga futbolli.
Portieri gjerman madje kishte bërë me dije se ai nuk e pëlqen të shikojë një ndeshje futbolli, por nganjëherë e bënë vetëm kur luajnë shokët e tij në ndonjë skuadër.
Daily Mail ka përpiluar një listë me lojtarë e ish-lojtarë që nuk u pëlqen futbolli:
Gareth Bale
Tashmë jemi të gjithë në dijeni se uellsiani është i pasionuar pas futbollit dhe madje në shumë intervista ka thënë se ai çdo ditë e më shumë o bije në dashuri me golfin.
Carlo Tevez
Ish-lojtari i Manchester United e City është një tjetër futbollist që ka pas karrierë të shkëlqyer, mirëpo edhe ai është adhurues i madh i golfit, sikurse Bale.
Benoit Assou-Ekotto
Ekotto kishte kaluar nëntë vite si lojtar i Tottenham Hotspurit, mirëpo në vitin 2010 ai kishte thënë se futbolli për të është vetëm një punë, asgjë më shumë.
David Bentley
Ish-reprezentuesi i Anglisë që u pensionua nga futbolli në verën e vitit 2014 kishte zbuluar se ai gjithmonë e thoshte në mendjen e tij se futbolli nuk është për të, madje ishte zhgënjyer shumë për një kohë.
Bobby Zamora
Ish-anëtari i West Ham United ka rrëfyer në vitin 2012 se ai nuk është fans i futbollit dhe kur të pensionohet nga futbolli nuk do t'i shikonte asnjë ndeshje, pasi të gjitha duken të njëjta dhe nuk i zgjojnë interesim.
Ronaldinho
Braziliani i ka fascinuar të gjithë me lojën dhe lëvizjet që bënte me top, mirëpo derisa po qëndron në burgu në Paraguai, ka rrëfyer se ai nuk e pëlqen ta shikojë një ndeshje në futboll, ai i shikon vetëm disa sekuenca të shkurta, pasi më shumë parapëlqen të ketë topin në këmbë.
David Batty
Ish-lojtari i Leeds United he mesfushori i Anglisë u pensionua në vitin 2014, por që kishte thënë se ai nuk e kishte shikuar asnjë ndeshje që kur ishte pensionuar dhe se ndeshjet me kombëtaret ishin të mërzitshme.
Gabriel Batistuta
Njëri ndër sulmuesit më të mirë të gjeneratës së tij i ka shokuar tifozët e tij kur ka thënë se nuk i pëlqen futbolli dhe ishte vetëm një profesion për të.
Espen Baardsen
Baardsen ishte lindur në ShBA, por e kishte përfaqësuar Norvegjinë,, derisa në Angli kishte luajtur për Tottenhamin, Watfordin dhe Evertonin në vitit 1990-ta. Portieri kishte thënë se pasi ishte pensionuar nga futbolli në vitin 2001, atij i kishte humbur interesimi për futboll dhe nuk e shikon më.
Stephen Ireland
Ish-mesfushori i Manchester Cityt ka thënë se futbolli për të nuk vlenë fare dhe nuk e di as vetë se si ishte ngujuar në të gjatë karrierës së tij që mori fund në vitin 2007.
Dani Alves
Mbrojtësi brazilian që ishte padyshim njëri ndër më të mirët në pozitën e tij vite më parë ka thënë se ai nuk ka ndjenja për futbollin dhe se kur të pensionohet do të shëtisë të githë botën, pasi i pëlqejnë udhëtimet.
Ezequeil Lavezzi
Sulmuesi argjentinas kishte një formë tejet të lartë si te skuadrat Napoli dhe Paris Saint-Germian, mirëpo kishte thënë në janar të vitit 2015 se ai e ka menduar shpeshherë dorëheqjen nga futbolli, pasi nuk ndiente dashuri për atë që bënte. /Telegrafi/
